web counter
LEXO PA REKLAMA!

SHKARKO APP

App Store
Google Play

E fundit!

x

Luan Rama leksion Cakajt/ Shpëlarje apo pastrim parash?

30 Mars 2019, 19:22, Aktualitet CNA

Ish-deputeti i LSI-së, Luan Rama, në një postim në rrjetet sociale ka reaguar pas deklaratës së bërë nga Zv.ministri i Punëve të Jashtëme Gent Cakaj për raportin e DASH.

Rama ka ironizuar Cakajn për gjuhën e përdorur gjatë deklaratës.

Ish deputeti në postimin e tij shkruan se po i jep një ndihmë miqësore Cakajt duke ia parashtruar një pjesë të DASH në gjuhë angleze.

Më tej Rama thekson se termi ?shpërlarja? i përdorur nga Cakaj duhet ?shpëlarja? ose me togfjalëshin pastrim parash sipas Luan Ramës.

Postimi i plotë:

Një ndihmë miqësore për zëvendësministrin që bën rolin e Ministrit për Evropën dhe Punët e Jashtme:

Meqenëse zëvendësministri që bën rolin e Ministrit për Evropën dhe Punët e Jashtme të Shqipërisë, po rreket mundimshëm të na bindë se raporti i Departamentit Amerikan të Shtetit nuk është ?…bazë për një narrativë kriminalizuese për Shqipërinë?, siç u shpreh ai, shumë miqësisht po e ndihmoj ta lexojë në anglisht njërin prej paragrafëve më akuzues për punën e qeverisë, sepse në shqip me sa duket nuk e ka kuptuar dot!

Në anglisht:

?Albania serves as a base of operations for organized crime organizations operating in the United States, Europe, the Middle East, and South America?.

Në shqip:

?Shqipëria shërben si bazë operacionesh për grupet e krimit të organizuar që veprojnë në Shtetet e Bashkuara, Evropë, Lindjen e Mesme dhe Amerikën e Jugut?.

Se ku e gjen narrativën pozitive ky mëkëmbësi ministër në këtë përfundim të raportit të DASH është punë për të, por më duhet t?i shpjegoj edhe një gjë: nuk është korrekt togfjalëshi ?shpërlarja e parave? që përdor ai (sipas normës është shpëlaj/shpëlarja dhe jo shpërlarja!), por duhet të përdorë togfjalëshin ?pastrim parash?!/CNA.al





Lajmet e fundit nga