web counter
LEXO PA REKLAMA!

SHKARKO APP

App Store
Google Play

E fundit!

x

Ndërron jetë këngëtari që urrente vëmendjen e publikut

25 Mars 2019, 11:25, Lifestyle CNA

Scott Walker, një nga kompozitorët dhe këngëtarët më inovativë të shekullit të 20-të, ndërron jetë në moshën 76-vjeçare. Lajmi u njoftua nga shtëpia e tij diskografike, 4AD.

?Për gjysmë shekulli, gjeniu Noel Scott Engel ka pasuruar jetën e mijëra njerëzve?, thuhet në një deklaratë, ndërkohë që shkaku i vdekjes nuk është bërë ende publik.

Ai ishte një nga këngëtarët më të respektuar në botën e rock-ut dhe të pop-it, para se të merrte një drejtim në muzikën më avangarde dhe të kalonte pjesën tjetër të karrierës larg syrit të publikut.

Pavarësish se ishte nga yjet më të mëdhenj të skenës pop të viteve 1960, Walker në fund të dekadës u bë një njeri i vetmuar dhe i tërhequr nga bota.

Ai u bë i njohur fillimisht me grupin e ?The Walker Brothers?, para se të krijonte një varg albumesh soliste (Scott, Scott 2, Scott 3 dhe Scott 4), që konsiderohen si disa nga albumet më të çmuara dhe që thyen kufijtë e epokës.

Ai më pas u zhvendos nga skena muzikore, ndërsa solli albume eksperimentale, përfshirë ?Tilt? në 1995-n dhe ?The Drift? në 2006-n, që reflektonte masakrën e Srebrenicës. Albumet e tij eksperimentale shqyrtuan kompleksitetin e dashurisë dhe të vdekjes.

Projekti i tij i fundit ishte muzika e kompozuar për filmin e Natalie Portman, ?Vox Lux?.

Burimi: The Guardian





Lajmet e fundit nga