E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

A e dini cili është programi shqiptar më i ndjekur në Instagram?

25 Mars 2019, 14:25, Lifestyle CNA

Arbana Osmani postoi në Instastory profilin e ?Dua të të bëj të lumtur? në Instagram, që momentalisht numëron pak më shumë se 60 mijë ndjekës.

?Dua të të lumtur është programi televiziv me më shumë ndjekës në Instagram,? shkroi moderatorja si një mënyrë për të falenderuar ndjekësit për vlerësimin dhe për të lënë të nënkuptuar diferencën (në ndjekës online) me programet e tjera. Por a është vërtet “Dua të të bëj të lumtur” programi më i ndjekur?

Padyshim që emisioni i të shtunës mbrëma, për vetë tematikën dhe mënyrën e ndërtimit si program, është një ndër emisionet më të ndjekura primetime. Ndonëse kanë kaluar tri sezone, spektaktori ka ende interes për historitë që trajtohen në formën e surprizave ose jo.

Megjithatë vlen të thuhet se Instagrami nuk është një matës i saktë i audiencës, për aq kohë sa një pjesë e programeve nuk kanë një faqe zyrtare ku të mund të bëhet krahasimi ose e kanë një të tillë, por nuk përdoret për ndofarë qëllimi specifik.

Për shembull, @xingme_ermalin në Instagram ka rreth 11,500 ndjekës, por pjesa më e madhe e përdoruesve (për të mos thënë të gjithë), për t?u njoftuar me të rejat e emisionit drejtohen tek profili i Ermal Mamaqit, i cili numëron më shumë se 1 milion ndjekës. Siç mund ta shihni, profili i Ermalit është i gjithi në favor të emisionit.

E njëjta gjë vlen edhe për Rudina Magjistarin, Instagrami i të cilës është i mbushur me video dhe foto të programit të pasdites.

Po kështu, ?E diela shqiptare? dokumentohet e gjitha tek @rtvklan në Instagram (momentalisht me 191,095) ose në profilin zyrtar të Ardit Gjebreas me më shumë se 458,000 ndjekës.

Edhe sikur ta marrim të mirëqenë që Instagrami është një matës 100% i saktë i audiencës, ?Dua të të bëj të lumtur? nuk është programi më i ndjekur. Siç mund ta shihni, vendin e parë e mban ?Në kurthin e Piter Pan? me më shumë se 83,800 ndjekës.

Madje vetëm Xheison, vogëlushi që tërhoqi vëmendjen e të gjithëve që në puntatën e parë, numëron më shumë se 82,000 fansa./burimi:Anabel.al