E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Ylli Dylgjeri propozon rregullore për ngjyrën e bojrave ndaj klientëve politik

24 Mars 2019, 21:35, Aktualitet CNA

Nëpërmjet një postimi në faqen e tij në rrjetet sociale ish drejtori i shkarkuar nga posti që mbante në Ministrinë e Financave për përdorimin e fjalës “kakë”, ka bërë një propozim “origjinal”.

Duke dashur ti jap fund anarshisë që ekziston me ngjyrat që përdoren për sulmet ndaj politikanëve e deputetëve, Dylgjeri propozon unifikim të tyre. Miratimin e një rregulloreje të aprovuar nga Kryetari, i cili njihet si specialist i thekur i tyre.

Ja përmbajtja e postimit të Dylgjerit:

“Deputeti shqiptar sot është shumëngjyrësh. Nuk mundet që ti imponohen ngjyra kur Ai vetë e ka zgjedhur atë. Ndaj dhe këshillohet që Ai duhet ti bëjë më parë Like bojës, kur sulmohet nga ngjyruesit. Ashtu sikurse bojaxhinjtë që vinë me katallogun e ngjyrave në dorë kur na lyejnë banesat dhe objektet, edhe sulmuesit e bojës duhet ti ofrojnë më parë ngjyrën Klientit Politik.

Ai duhet ta pëlqejë më parë bojën e më pas të lyet me të. Jetojmë kohën e “Astirit”. Eshtë konstatuar deri më sot se ka një arbitraritet të madh në bojra, paçka se i Pari i vëndit njihet si specialist u tyre.

Ka një çoroditje kur përzgjidhet boja nga bojaxhinjtë e derisotëm. Lyhet subjekti politik pa i marë më parë pëlqimin! Shëmbujt e derisotëm tregojnë se është goditur Bashkia me bojra të pa miratuara më parë nga Kryetari. Nëse epiteti popullor i përdorur deri më sot për të parin e Bashkisë eshtë “Lali dhjeri”, në këtë ngjyrë duhet të përzgjidhet edhe boja që do lyhet Ai.

Ose, është lyer Kryeministri në Kuvend me bojën blu! E papranueshme. Ngjyra që ka për zemër zoti Rama tashmë njihen e janë standart kudo në jetën qytetëse. Janë ngjyrat e kuqerreme të Rilindjes. Ajo duhet të sundojë edhe në trupin e deputetit. Për të mos shkuar më pas te lyerja me të kuqe që i bënë zotit Ralf Gjoni.

E kuqja është e pa pranueshme me filozofinë e Tij Europiane, por s’qëndron as me pigmentin bjond të Tij. Kështu pra ka ardhur koha për një rregullore, për një unifikim, për të mos vijuar me anarshinë e derisotme të ngjyrave që hidhen vend e pa vend.

Më poshtë po Ju njohim edhe me një katallog ku mund ta gjeni veten dhe ngjyrën të nderuar deputet. Mjafton ti bëni Like.”/ CNA.al