E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Profecia e Nikollë Lesit/ Epoka e Edi Ramës po vdes

24 Mars 2019, 19:18, Aktualitet CNA

Botuesi i gazetës ?Koha Jonë?, Nikollë Lesi në një shkrim ka bërë historikun e Edi Ramës, që nga futja në politikë e deri tani që drejton qeverinë.

Sipas Lesit, Rama u shfaq si ?dele e bardhë? në politikën e zezë të vitit 1998 ku dhe për shkak të oratorisë së tij u bë ministër Kulture.

Më tej, Lesi rikthen në kujtesë edhe veshjet e tij të cilat i shohim edhe sot për të qenë në qendër të vëmendjes.

Nikollë Lesi në shkrimin e tij thotë se Rama ishte model tjetër nga ai i Fatos Nanos, të cilin e zëvendësoi në drejtimin e PS-së në vitin 2005.

Pas marrjes së drejtimit të PS-së Lesi shkruan se Rama ia transformoi shtyllën kurrizore partisë duke e zëvendësuar me rilindjen.

Në mbyllje të shkrimit të tij Lesi shkruan se epoka e Edi Ramës po vdes.

Shkrimi i plotë:

?Edi Rama erdhi diku nga marsi 1998 direkt e Ministër Kulture. Nga analist dhe gazetar i të përditshmes ?Koha Jonë?, ai u bë shpejt një ?star? në botën e politikës aktive shqiptare, edhe për hir të oratorisë së tij dhe shfaqjes si një ?dele e bardhë? në politikën e zezë të pas vitëve të mbreterimit berishian 1992-1997.

Elokuent, i çmendur për të bërë gjëra që nuk i kishte manifestuar askush nga politika e lartë, realisht punëtor dhe më pas me një ?kazmë? punoi për shkatërrimin e sistemit të ngurtë partiak.

I veshur herë me një palë brekushe, ku bëhej lajm dite dhe herë-herë me një çorap të kuq dhe tjetrin të bardhë, ai diti me finesë të ishte një risi, ai dërmoi imazhin e politikanit 50-vjeçar që rrinte e mbante shënime për t?iu përgjigjur popullit me ?protokoll?.

Më pas kryebashkiak i suksesshëm, i pakonkurrueshëm, por edhe mjeshtër i fasadës. Dhe njerëzit duket se pëlqyen dukjen dhe jo brendinë, brendi e cila këto vitet e pushtetit si kryeministër ia zbuloi ndjenjën e arrogantit dhe dhunuesit me forcën e pushtetit.

Edi Rama ishte model tjetër nga ai i Fatos Nanos, që për hir të së vërtetës, Nano ishte liberal në mënyrën e administrimit të pushtetit dhe të PS-së.

Pas marrjes së PS-së, Edi Rama, e transformoi krejt shtyllën kurrizore të së majtës socialiste. I mori palcën e majtë dhe ia zëvëndësoi me ?rilindjen?, njëlloj si Hugo Chavez në Venezuelë në të njëjtat vite, paralel me Edi Ramën, tjetërsoi Venezuelën, duke e kthyer në një pushtet agresiv, të dhunshëm dhe siç transmetoi dje BBC në një dokumentar për Chavez, harxhoi miliarda për të blerë zgjedhjet.

Hugo Chavez mori nga banka qendrore mbi 12 miliardë dollarë për të blerë zgjedhjet, kurse Edi Rama përdori bandat kriminale me miliardat e kanabisit për t?i blerë votat, siç edhe po del nga hetimet e drejtësisë, por që me shumë se çdokush e nxori ?Zëri Amerikës?, RAI1 dhe stacionet gjermane.

Hugo Chavez iku me kohë, kurse Edi Ramës po i vdes epoka e tij 20-vjeçare e pushtetit. Dhe për fajin e tij, se do t?i ketë të gjithë pushtetet, madje dhunshëm dhe me propogandë që edhe kur të rreh, t?i thuash ?faleminderit?.

Epoka e Edi Ramës po vdes! Eshtë çështje kohe, por ka filluar Fillimi i FUNDIT!?/CNA.al