web counter
LEXO PA REKLAMA!

SHKARKO APP

App Store
Google Play

E fundit!

x

“Ti pi raki nga mëngjesi deri në darkë”/ Gazetari i del në mbrojtje Dashamir Shehit

22 Mars 2019, 15:46, Aktualitet CNA

Mbrëmjen e djeshme në një emision televiziv gjatë debatit analisti Mustafa Nano, iu drejtua kreut të LSHK-së, Dashamir Shehi, ku e etiketoi atë si pijanec dhe qejfli të rakisë duke i thënë: ?Ti pi raki nga mëngjesi deri në darkë?.

Në lidhje me këtë etiketim ka reaguar gazetari Mentor Kikia, i cili në një postim në rrjetet sociale i ka dalë në krah Dashamir shehit.

Sipas Kikisë, të fyesh Shehin që është një ndër politikanët më të ndershëm, është fyerje për për ndershmërinë njerëzore.

Më tej Kikia ka bërë edhe një krahasim me ish kryeministrin Fatos Nano i cili pinte Wisky dhe shkonte në mbledhjen e qeverisë, dhe të gjithë e lavdëronin.

Postimi i plotë i Kikisë:

Perversitet publik!

Gjëja më pa vlerë që kam vënë re këto ditët e fundit është sarkazma e madhe, në rrjet , por jo vetëm, me Bashën dhe Ramën që ishin fotografuar nga ?pasagjeri dixhital? duke fjetur në avion.

Bashën e akuzuan se ia fut gjumit në qiell, ndërsa në tokë opozita proteston. Ndërsa Ramës ia bënë analizat dhe zbuluan se gjumi kishte ardhur si pasojë e overdozës.

Më falni, kush ka patur rastin të udhëtojë(fluturojë), çfarë bëhet tjetër në avion? Ose lexohet, ose bëhet muhabet kur fqinjin e njeh, ose flihet, kur të vjen gjumë.

Madje të gjithë përpiqen të flenë, edhe pse jo të gjithë ia dalin. Në avion nuk protestohet, nuk mbahen fjalime, nuk bëhet vrap, nuk bëhen mbledhje, nuk këndohet.

Tjetra, edhe më e shëmtuar, është të bërit lajm duke fyer dikë. Dhe ky është Dashamir Shehi. Eshtë një nga politikanët më realistë, më të ndershëm, më me këmbë në tokë, më i drejtëpërdrejtë.

Të fyesh Dash Shehin, që ka patur poste të larta qeveritare dhe jeton modestisht, është fyerje për ndershmërinë njerëzore.

Dhe përse e fyejnë? E fyejnë duke i thënë se pi raki me shokët? Edhe unë e kam pas pirë, dhe e shijoja mrekullisht edhe bisedën edhe shoqërinë.

Edhe? Po Nanon që e lavdëronin, se pinte një shishe Wisky, e shkon në mbledhje të qeverisë pa iu dridhur këmbët.

Të fyesh Dash Shesin pse e jeton jetën ashtu siç i pëlqen atij, është njësoj si ti thuash një ish ministri: Shiko çfarë burri model.

Ka tre hidrocetrale, dy inceneratorë, dy landfille, nja dy koncensione dhe ca miliona Euro për pare xhepi. Po si nuk e shikon të pijë një gotë more, po fare. Ka lezet!/CNA.al





Lajmet e fundit nga