web counter
LEXO PA REKLAMA!

SHKARKO APP

E fundit!

x

Kush janë deputetët e LSI-së që kanë marrë mandatet

19 Mars 2019, 14:15, Aktualitet CNA

Prej më shumë se një muaji, Partia Demokratike dhe Lëvizja Socialiste për Integrim vendosën të djegin mandatet e deputetëve, në shenjë proteste ndaj qeverisë.

Opozita e cilëson jolegjitim parlamentin dhe deklaron se PS ka ardhur në pushtet me votat e blera nga paratë e krimit.

Por, ndërkohë Kryemadhit i ka dalë situata jashtë kontrollit, pasi LSI e ka pothuajse gati grupin e ri parlamentar.

Ashtu sikurse CNA.al ka shkruar shpesh se LSI-ja do të ketë grup të plotë dhe nga informacionet që ne kishim jo vetëm nga KQZ-ja, por edhe nga burimet zyrtare brenda LSI-së, duket se shumë shpejt numri i mandateve të LSI-së në parlament do të plotësohet.

Nga zgjedhjet e 25 qershorit 2017, LSI fitoi 19 mandate deputetësh. Nga këto mandate, një është Robert Bitri i cili u largua nga LSI dhe doli si deputet i pavarur dhe Lefter Koka, që nuk pranoi ta djegë mandatin. Pra, ngelen edhe 17 mandate.

Por, nga 14 kandidatë që deri tani kanë pranuar të marrin mandatin e deputetit, 11 janë të LSI-së dhe vetëm tre të PD-së.

Kandidatët e LSI-së që kanë marrë mandatin janë, Aurora Mara, Ylli Shehu, Edmond Rrushaj, Enver Roshi, Majlinda Halili, Edlira Hyseni, Ediola Braha, Elda Hoti.

Ndërkohë, nesër KQZ do t?ju japë mandatin e deputetit edhe tre kandidatëve të tjerë, përkatësisht Ralf Gjoni, Enada Koçiraj dhe Gjon Musai.

Pra, janë 11 kandidatë të LSI-së që kanë pranuar të marrin mandatin, plus Lefter Kokën dhe Robert Bitrin, që shkon në 13 numri i deputetëve në parlament.

Pra, tani kanë ngelur edhe 6 vende nga mandatet e LSI, ndërkohë që lista është tek gjysma e saj.

Janë gati 56-60 kandidatë të LSI-së, për 6 vende të mbetura dhe brenda muajit mars, me shumë mundësi do të kemi 19 deputetë të LSI-së në parlament./ CNA.al

Gati grupi parlamentar i LSI/ Një tjetër kandidate merr mandatin

Opozitë e re në parlament/ Kandidatët që marrin sot mandatet

Seanca plenare/ Betohen katër deputetët e LSI-së





Lajmet e fundit nga