E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

"Oligarkët" moll sherri midis Hilës, Ndokës dhe Dashamir Shehit

13 Mars 2019, 22:16, Aktualitet CNA

Debati për fatin e të quajturve “oligarkë” ka qenë kreshendoja e emisionit “Arena”, të mbrëmjes së sotme. Ku midis të ftuarve ka qenë dhe kryetari i PDK-së Nard Ndoka, si dhe ai i LZHK-së, Dashamir Shehi.

Përmendja e “oligarkëve” ka shkaktuar përplasje të ashpër, fillimisht midis modëratorit të emisionit Dritan Hila dhe Nard Ndokës e më pas në të ka hyrë dhe Dashamir Shehi.

Hila ka vlerësuar faktin që Lulzim Basha, nuk i përmend emra të oligarkëve, ndërkohë që Nard Ndoka kundërshtonte duke thënë se ai nuk kanë punë me emra biznesmenësh.

Dritan Hila: Problemi i besueshmërisë së opozitës, është se oligarkët që kishte Berisha i mori Rama, dhe në fund do t’i marri përsëri Basha.

Nard Ndoka: Është një diferencë shumë e madhe. Ne jemi parti e qendrës së djathtë, biznesi është aleati ynë.

Hila: Jo biznesi me pozita monopol.

Ndoka: Ne duhet të merremi me kryeministrin, nuk ka faj biznesmeni që ka gjetur një kryeministër të korruptuar. Nuk merrem unë me emrin e biznesmenit.

Hila: Po patjetër do të merresh se korrupton sistemin.

Ndoka: Kryeministri do të përgjigjet para sistemit. Ne nuk merremi me biznesmenin.

Hila: Ashtu i bie merru vetëm me kryetarin e madh, mos u merr me killerin. Kryeministri nëse është i korruptuar me këta biznesmenë e paston paranë.

Ndoka: Basha ka bërë një hap të rëndësishëm duke i përmendur me emra. Por ne ne mënyrë isntitucionale nuk kemi lidhje me to, ata do të përgjigjen për shkeljen e ligjit në bashkëpunim me kryeministrin.

Hila: Kur ke naftën më të shtrenjtë na rajon, je në pozita monopol, sigurisht që do i përmendësh emrin.

Dashamir Shehi: Duhet të merremi me kryeministrin

Hila: Me kryeministrin merremi nga mëngjesi deri në darkë ne. Nëse i themi kryeministri është i koprruptuar, do t’i themi edhe atij të karburanteve.

Ndoka: kryeministri është karburanti, rruga…

Hila: Kur të përmendësh emra bëhesh i besueshëm.

Ndoka: Nëse kemi një kryeministër që zbaton ligjin nuk kemi nevojë për emra. Për emra është prokuroria, jo opozita.

Hila; opozita të shkul dhëmbët

Ndoka: I shkul dhëmbët kryeministrit

Hila: Edhe kompanive të mëdha, që çojnë në pozita monopol. Zoti Ndoka, jemi në pozita monopol

Ndoka: Fajtori ka vetëm një emër, Edi Rama, me kabinetin e tij. Ata janë viktima të këtij sistemi.

Hila: Aman, se mos i jepni dëmshpërblim. Si ore janë viktima?

Ndoka: Po patjetër.

Hila: Ore këta e financojnë sistemin, këta e financojnë blerjen e votës. Me tenderat 40 milionë, ato tendera janë bërë që të ndahen majtas e djathtas.

Ndoka: Ne nuk kemi blerë vota.

Shehi: Ne nuk jemi prokurorë, ne gjykojmë se një grusht biznesmenësh përqark Edi Ramës..

Hila: Që i ka pasur Berisha para

Shehi: Po edhe Berisha.

Hila: Nuk i ka përmendur as Basha.

Shehi: Ça thua ore?

Hila: E ndjej tek xhepi im, e ndjej tek ushqimet, tek karburanti, tek shëndetësia.

Shehi: Pse si bje Ramës kur e ndjen?

Hila: Këtij po i biem nga mëngjesi deri në darkë. Ky do iki, problemi është se këta ke 30 vjet që i ke këtu,dhe të thithin të gjithë buxhetin e shtetit dhe tenderat./CNA.al