E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Nga Mero Baze/ Historia e një mashtrimi zyrtar të pandëshkuar të Lulzim Bashës

9 Mars 2019, 19:11, Aktualitet CNA

Nga Mero Baze

Kur e paskam takuar për herë të parë Lulzim Bashën paska qenë i padiplomuar, ndërkohë që po e prisnim si model të të riut të shkolluar në Perëndim. Në përpjekje për ta shitur si një talent që vinte nga Perëndimi, Sali Berisha më rekomandoi ta takoja në fund të Dhjetorit të vitit 2004, ndërkohë që ideja e KOP kishte marrë jetë dhe anëtarët po rekomandoheshin në shumicë nga mërgata shqiptare e Kosovës, që punonte me të bijën e Sali Berishës, atje.

Lulzim Basha u paraqit si dikush i shkolluar shumë mirë në Hollandë, që kishte punuar me organizata ndërkombëtare dhe më pas me UNMIK në Kosovë.

Nuk dua të zgjatem më tej në detajet e atij takimi të parë, por një gjë është tashmë e provuar. Më ka gënjyer dhe për shkollën. Më ka gënjyer mua, shpresoj të ketë gënjyer Sali Berishën, ndoshta dhe Argitën që ishte shkesja e sjelljes së tij në politikën shqiptare. Se nëse nuk i ka gënjyer është dhe më keq . Duhet të kenë qenë shumë të detyruar ndaj tij për shkak të Argitës.

Dokumenti provon se ndërkohë që ne ua prezantuam shqiptarëve si një i shkolluar në Perëndim, ai ka qenë pa shkollë.

Dokumenti zyrtar që Universteti i Utreht i ka çuar gazetës provon se ky njeri ka bërë 4 vjetë shkollim parauniversitar , për tu konsideruar i aftë për të ndjekur bachellorin. Dhe më tej nuk dihet më asgjë çka bërë, por në vitin 2005 ka një dokument që provon se ka mbaruar stduimet.

Pra ne ua kemi prezantuar shqiptarëve një njeri pa diplomë si si super të shkolluar. Për këtë duhet tu kërkojmë ndjesë. Unë si gazetari i parë që kam shkruar për të , pastaj Sali Berisha që e ka prodhuar këtë gënjeshtër zyrtarisht.

Tani ky njeri është në krye të opozitës shqiptare dhe gjithë jeta e tij, nis me një gënjeshtër. Qoftë dhe gënjeshtër për afatin e shkollimit. Diploma e tij nuk është ekuivalentuar kurrë zyrtarisht në Ministrinë e Arsimit aty ku duhet të njehësohet por mbi të gjitha ky njeri refuzon të jap shpjegime zyrtare për shkollimin.

Qeveria shqiptare duhet të gjej një mekanizëm ligjor për ti detyruar zyrtarët e lart politik të njëhësojnë diplomën që kanë, nëse paguhen me lekët e shqiptarëve.

Nuk është e detyrueshme që një deputetë të ketë diplomë. Ai mund ta marrë rrogën si deputetë dhe me shkollë të mesme, por shqiptarët duhet ta dinë.

Sqarimi i shkollimit të Lulzim Bashës nuk vlen për kulturën e tij, apo për ta mbajtur, apo hequr si kryetar opozite. Ajo është çështje e vullentit politik të opozitës. Lulzim Basha duhet të provoj në mënyrë transparente shkollimin e tij. Kur e ka mbaruar ciklin parauniversitar kur dhe ku e ka mbaruar bachelorin dhe kur masterin Të gjitha këto duhet të njehësohen zyrtarisht nga Ministria e Arsimit . Nëse nuk i ka, është problem i tij, por ai duhet të certifikohet si mashtrues zyrtar për biografinë e tij.

Është koha që presioni për ta bërë transparent të shkuarën e tij, duhet të jetë zyrtar, i përditshëm dhe i fort deri në sqarimin e një gënjeshtre , nga e cila nis një histori mashtruesi në politikën shqiptare.