web counter
LEXO PA REKLAMA!

SHKARKO APP

App Store
Google Play

E fundit!

x

Gjobitet kryetari i PD-së/ Zbulohet arsyeja

9 Mars 2019, 15:27, Aktualitet CNA

Kreu i PD-së dega Gramsh, Kodhel Lala ka marrë një gjobë të pazakontë nga Policia, raporton Balkanweb.

Ai është gjobitur si taksist, pasi në makinën e tij personale po udhëtonte me 4 miqtë e tij drejt Tiranës për të marrë pjesë në protestën e 5 Marsit të organizuar nga opozita përballë Parlamentit.

Çala në një prononcim për Balkanweb ka sqaruar mënyrën sesi ai është gjobitur me motivin se punonte taksist edhe pse e ka sqaruar se kush ishte dhe për ku ishte nisur.

?Në 5 mars isha nisur për protestë në Tiranë. Kisha në makinën time nënkryetarin e degës, një anëtar të Kryesisë dhe 2 sekretarë seksionesh. Papritur më ndalon patrulla e policisë, në afërsi të Cërrikut. E ndaloj makinën dhe më kërkojnë dokumentet. Ia dhashë. Pasi i verifikoi dhe ishin në rregull, erdhi tek dera polici dhe më tha dil dhe hap bagazhin. Vajta e hapa. E kontrolluan bagazhin nga të gjitha anët, s?kishte gjë për të dyshuar, e mbylla, polici u largua dhe diçka po shkruante. Unë u afrova dhe i thashë a mund ta di çfarë po shkruani se duhet të më sqaroni. Tha për ju kemi të dhëna që punoni taksist dhe do shkoni në komision. U çudita, qesha me vete, e morën vesh dhe ata që kisha në makinë dhe i thashë unë nuk punoj taksi. Unë jam filani, siç e pe tek dokumentet, dokumentet janë të rregullta, unë nuk punoj taksi. Unë po iki për protestë. Jo ne kemi të dhëna që ju punoni taksi dhe siç e shikoni unë kam dalë në komision, kam paguar tashmë edhe gjobën. Por çka më bëri përshtypje, ishte se polici kishte një indicie, me sa kuptova?,-është shprehu Çala./CNA.al





Lajmet e fundit nga