web counter
LEXO PA REKLAMA!

SHKARKO APP

App Store
Google Play

E fundit!

x

Djegia e mandateve/ KQZ pritet të shpallë kandidatët pasues

7 Mars 2019, 14:20, Aktualitet CNA

Prej më shumë se dy javësh, opozita ka deklaruar djegien e mandateve të deputetëve, si shenjë proteste ndaj qeverisë.

Opozita ka kërkuar dorëheqjen e kryeministrit Rama, dhe krijimin e një qeverie tranzitore, e cila sipas tyre do të përgatisë zgjedhje të lira e të ndershme dhe do t?i hapë vendit rrugën e integrimit.

Por, ndërkohë që Basha e Kryemadhi deklarojnë se parlamenti është ilegjitim dhe se mazhoranca socialiste ka ardhur në pushtet me votat e blera me paratë e krimit, duket se kandidatët në listat shumëemërore të cilët mbeten jashtë Kuvendit, tashmë po pranojnë të plotësojnë vakancat e mbetura në parlament.

Pasi deputetët e opozitës dorëzuan publikisht mandatet dhe firmosën dorëheqjen pranë KQZ-së, kjo e fundit shpalli vakancat dhe dërgoi ftesë te kandidatët pasardhës në listat shumëemërore të paraqitura nga PD dhe LSI në zgjedhjet e 25 qershorit 2017.

KQZ bëri të ditur se kandidatët pasardhës kanë dhjetë ditë afat, nga data e njoftimit, për të dorëzuar formularët e vetdeklarimit.

Pas këtij njoftimi, katër kandidatët e LSI-së, Edmond Rrushaj, Aurora Mara, Ylli Shehu dhe Enver Roshi plotësuan formularin e vetdeklarimit dhe ndërkohë në seancën e kaluar parlamentare bënë betimin si deputetët më të ri të Kuvendit.

Ndërkohë, edhe pesë kandidatë të tjerër pritet të bëjnë betimin në seancën e ardhshme të Kuvendit.

Kandidatët të cilët pritet të bëjnë betimin në Kuvend, janë përkatësisht; kandidatja e LSI-së në Lezhë, Elda Hoti, kandidatja e LSI-së në Gjirokastër, Erdiola Pashaj Braha, kandidati i PD-së në Berat, Lefter Maliqi, kandidatja e PD në Tiranë, Majlinda Halilaj dhe kandidati i së djathtës në Korçë, Ligoraq Karamelo, i cili është përfaqësues i PBDNJ-së dhe Omonias.

Por, nga ana tjetër pas përfundimit të afatit prej 10 ditësh, KQZ pritet të shpallë një tjetër njoftim, për personat në listat në vazhdim.

Procedura mund të zgjasë rreth një muaj, por ajo që pritet të ndodhë është se pritet që shumë prej emrave në listat pritëse të kandidatëve të PD dhe LSI të pranojnë mandatet, duke çuar kështu në krijimin e një opozite të re në Kuvend.

Kandidatët pasues, janë më shumë emra për të mbushur listën, janë individë të cilët e shohin mundësinë për të qënë deputet i Kuvendit të Shqipërisë, si një shanc të parë dhe të fundit.

Kujtojmë këtu se CNA.al më parë e ka paralajmëruar se numri i deputetëteve të rinj në Kuvendin e Shqipërisë mund të shkojë në rreth 100. Kjo pasi, edhe pse disa kandidatë kanë firmosur dorëheqjet, ato janë të pavlefshme.

Dy ditë më parë Lulzim Basha së bashku me Monika Kryemadhin kanë dorëzuar në KQZ një listë të plotë dorëheqjesh me 103 emra nga PD-ja dhe 75 emra nga radhët e LSI-së, që japin dorëheqjen.

Pra, janë dorëzuar 178 dorëheqje, të emrave të listave pritëse, të cilët vinë pas 75 emrave që kishin dorëzuar mandatin.

Në fakt, të dyja partitë opozitare kanë dorëzuar në KQZ për zgjedhjet e 2017-ës, 340 emra kandidatësh. Dhe duke bërë një llogari të thjeshtë, rezulton se mbi 100 emra nuk kanë pranuar të firmosin për të mos pranuar mandatin e deputetit.

Ata mund të plotësojnë formularët e vetdeklarimit në KQZ, dhe të pranojnë mandatet, pasi ato janë individuale.

Nëse mbeten vende bosh, KQZ do vijojë që të dergojë me postë ftesën për marrjen e mandateve, pavarësisht nga fakti nëse kanë firmosur ndonjë nga letrat që Basha dorëzoi dje.  Secili prej kandidateve nga lista që merr ftesën, mund të paraqitet në KQZ, të plotësojë formularin e vetdeklarimit dhe më pas të marrë mandatin e deputetit./ CNA.al

Opozitë e re në Kuvend/ Kush janë ?tradhtarët? që pritet të bëjnë betimin

LSI gati grupin parlamentar/ Ja deputetët e rinj të Kuvendit

Ekskluzive-Kandidatët e opozitës/ Kanë firmosur dorëheqjet, por pritet të marrin mandatet

Ekskluzive-Bashës i dezerton ushtria/ Zyrtarizohen 49 kandidatët që refuzojnë dorëheqjen

Ekskluzive-Monikën e braktis gjysma e kandidatëve/ 54 emra refuzojnë dorëheqjen





Lajmet e fundit nga