web counter
LEXO PA REKLAMA!

SHKARKO APP

App Store
Google Play

Protesta jehonë në mediat e huaja/ Çfarë shkruan Washington Post

5 Mars 2019, 11:31, Aktualitet CNA

Sot opozita e bashkuar po zhvillon protestën e radhës kundër qeverisë. Ndërkohë që parlamenti është mbledhur në seancë plenare, ku është bërë edhe betimi i deputetëve të rinj, opozita po proteston.

Por, protesta e opozitës dhe situata politike në Tiranë, ka pasur jehonë edhe në mediat e huaja.

Ja çfarë shkruan gazeta Washington Post:

Mijëra protestues, që mbështesin opozitën në Shqipëri, kanë rrethuar parlamentin duke kërkuar dorëheqjen e qeverisë dhe zgjedhje të parakohshme. Ata e akuzojnë kabinetin qeveritar për korrupsion dhe lidhje me krimin.

Ndërtesa e parlamentit u rrethua të martën nga qindra oficerë policie dhe nga tela me gjemba.

Ligjvënësit e pozitës së qendrës së djathtë të udhëhequr nga Partia Demokratike, kanë hequr dorë nga postet e tyre.

Gjatë protestave të fundit, protestuesit kanë hedhur shashka dhe objekte të forta, kurse policia është përgjigjur me gaz lotsjellës.

Opozita nuk i ka marrë parasysh thirrjet e Bashkimit Europian, SHBA dhe organizatave ndërkombëtare për të hyrë në bisedime me rivalët e saj politikë.

Socialistët në pushtet të kryeministrit Edi Rama kanë 74 nga 140 vende në parlament. Shqipëria shpreson të nisë negociatat e anëtarësimit me Bashkimin Europian në qershor.





Lajmet e fundit nga