E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Foto-Tre orë rrethim i parlamentit/ Çfarë ndodhi sot në protestë

5 Mars 2019, 14:12, Aktualitet CNA

Për rreth tre orë, opozita e bashkuar protestoi sot kundër qeverisë, duke mbajtur të rrethuar parlamentin.

Tubimi nisi me fjalime të kandidatëve që nuk pranuan mandatet, dhe më tej me fjalë të ish-deputetëve, ndërsa brenda Kuvendit u mbajt seanca plenare, ku ndër të tjera u betuan edhe 4 deputetët e rinj nga radhët e Lëvizjes Socialiste për Integrim, kandidatë në listat e zgjedhjeve parlamentare të 2017-ës, që pranuan mandatin pas dorëheqjes së opozitës.

Ndryshe nga protesta e javës së kaluar, sot tubimi nuk u shoqërua me akte dhune, përveç disa situata tensioni me protestues që vazhdimisht hodhën tymuese, kapsollë dhe pankarta në drejtim të kordonit me forca policie përballë Parlamentit, por pa shënuar incidente.

Para kordonit të Policisë, protestuesit u kanë vënë zjarrin gomave dhe posterave në të cilat shkruhej ?Rama ik?.

Pas fjalimeve të ish-deputetëve, disa kandidatëve në listat shumëemërore dhe qytetarëve, opozita së bashku me protestuesit u zhvendos drejt KQZ-së, ku kandidatët e listës pasuese nga të gjitha partitë opozitare firmosën se nuk do të pranojnë mandatin.

Ndërkohë, protesta u mbyll me fjalën e Bashës, ku më pas u këndua edhe himni i Flamurit.

Më poshtë disa foto nga protesta: