web counter
LEXO PA REKLAMA!

SHKARKO APP

App Store
Google Play

Do të anulohen kontratat e 8 HEC-eve/ Çfarë thotë MIE për procesin?

5 Mars 2019, 18:06, Aktualitet CNA

Ministria e Infrastrukturës dhe Energjisë në një prononcim në rrjetet sociale deklaruan se janë kontrolluar 54 dosje të kontratave për ndërtimin e hidrocentraleve.

Prej dosjeve të skanuara 8 prej tyre kanë dalë me probleme.

Sipas ministrisë disa nga problematikat e këtyre hidrocentraleve janë mosrespektimi i afateve mosrespektimi i afateve kohore proceduriale dhe mosrespektimi i kushteve dhe kritereve në kontratat dhe lejet e lëshuara.

Pas këtij konstatimi do të vazhdohet me ndërprerjen e kontratave dhe po punohet që ky proces mos të ketë pasoja për buxhetin e shtetit.

?Aktualisht kanë kaluar procesin e skanimit 54 dosje, 8 prej të cilave kanë rezultuar me probleme të mëdha dhe shkelje të kushteve kontraktuale, për të cilat do të fillohet procedura për ndërprerjen në mënyrë të njëanshme të kontratës.

Ndërprerja e kontratave është një proces kompleks dhe nga ana e Ministrisë po procedohet në mënyrë të kujdesshme që të mos ketë risqe dhe pasoja financiare për buxhetin e shtetit.

Problematikat e konstatuara, në mënyrë të përsëritur gjatë këtij procesi skanimi, do të analizohen dhe do të shërbejnë si referencë për ndryshimet ligjore që do të propozohen në këtë sektor? ? thuhet në deklaratë. /CNA.al

 





Lajmet e fundit nga