web counter
LEXO PA REKLAMA!

SHKARKO APP

App Store
Google Play

E fundit!

x

Salianji protestë në Maliq për kushëririn e tij kandidat nga PS-ja

3 Mars 2019, 16:57, Aktualitet CNA

Ditën e sotme është zhvilluar një protestë në qytetin e Maliqit. Kjo protestë është shpallur si një fitore e madhe nga ish-deputetët qesharakë të Lulzim Bashës, Ervin Salianji dhe Klevis Balliu.

Por, po ta shikosh me kujdes këtë protestë edhe nga publikimet e bëra në rrjetet sociale nga ish-kryeministri, Sali Berisha, vihet re qartë që banorët e Maliqit numërohen me gishta. Në fakt në këtë protestë më së shumti pjesëmarrësit janë nga ish-komunat e zones rreth Maliqit por edhe të sjellë nga PD e Korçës.

Pse Salianji proteston në Maliq?

Përtej asaj që kërkohet të shitet në media dhe tek qytetarët si një protestë e madhe në Maliq kundër qeverisë, kjo ishte një protestë e Ervin Salianjit dhe Klevis Balliut që ngre të gjitha dyshimet për një pazar të mundshëm me ?Rilindjen?. Një lëvizje për të zgjedhur kushëririn e Ervinit si kandidat të Rilindjes, po doli familjari i Salianjit në Maliq zgjidhet ekuacioni.

Duke qenë një zonë e majtë dhe problematike, ku Ervinin se pyet kush dhe PD ka shumë pak vota, po kërkohet që me influenca të ndryshme dhe me pazare të fëlliqura, duke pasur edhe mbështetjen e bizneseve që kanë shkatërruar pyjet e zonës, nje linje politike e felliqur duan qe të vendosin kandidat nga e majta Eriseld Jonusllarin, i cili është kryetari këshillit bashkiak të Maliqit, por edhe drejtor  në një nga fabrikat e pelletit në Maliq, në pronësi të zotit Festim Lame.

Ky i fundit është një nga mbështetësit kryesor të Jonusllarit dhe po lobon fuqishëm për ta bërë kryetar bashkie në Maliq, me qëllim mbrojtjen e pronave të tij dhe shkatërrimin e mëtejshm të pyjeve nga ana e tij. Mësohet se për kandidimin e Jonusllarit, biznesmeni Lame ka kërkuar edhe mbështejen e ministrit socialist, Eduart Shalsi, Rilindja dhe Republika e Re janë bërë bashkë.

Biznesi i zotit Lame është një fabrikë pelleti dhe shpesh herë është akuzuar për shkatërrimin e pyjeve në zonën e Gorës, ku ka qenë kryetar komune i ati i Ervinit.

Një intrigë politike dhe me ndërhyrjen e një biznesmeni që kërkon të nxjerrë një kandidat si Eriseld Jonusllari, i cili në fakt, është edhe i afërt i Ervinit. Ne emër të Rilindjes fiton edhe Republika e Re.

Më shumë se protestë e vërtetë e demokratëve dhe e qytetarëve të Maliqit, ajo ishte një protestë e kulisave politike, ku turpësisht disa dhjetra qytetarë dhe simpatizantë demokratë keqpërdoren që të afërm të Salianjit të kandidohen nga ?Rilindja? dhe servili i Lulit që tashmë e shan kudo të fitojë ç’të mundet.

A do protestojnë atëherë dy qesharakët e Lulit, njeri në pazar me Rilindjen, e tjetri si përfaqësues i paçes së babait ne rast se Rilindja kandidon familjarin e Salianjit?

Turpësisht demokratët përdoren për pazaret e fëlliqura ashtu si Luli në çadrën e 2017 i cili shiti demokratët për pallatin e vjehrrit, sot ata ëe Maliq po përdoren për kushëririn e Ervinit. Pazar lart e pazar poshtë. /CNA.al





Lajmet e fundit nga