E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Manipulohet konkursi për policë/ Zbardhen denoncimet

3 Mars 2019, 14:20, Aktualitet CNA

Ish-kryeministri Sali Berisha, ka bërë publike dy denoncime të ardhura në adresë të tij në rrjetet sociale. Sipas denoncuesve konkursi i shpallur për Policinë e Shtetit është manipuluar.

Ata kanë shkruar se i kanë plotësuar të gjitha kushtet, por në fazat përzgjedhëse i kanë skualifikuar, pa të drejtë.

Denoncuesi i parë thotë se ka qenë fitues i vendit të 125 nga 250 që kanë qenë kuotat e lira, por që më pas është skualifikuar pa arsye.

Ai pretendon se një nga arsyet që djali i tij është skualifikuar janë bindjet politike.

?Po të bëj të ditur një hall timin, ku është i përfshirë djali im Bajram Kariqi, nga Durrësi. Në shtator të vitit 2018 u rregjistrua për të konkuruar në kursin e Patrullës së Policisë, duke paraqitur të gjitha dokumentacionet e nevojshme dhe, falë aftësive shkencore dhe fizike, i kaloi të gjitha etapat e konkurimit duke zënë vendin e 120 nga 250 kuota pranimi.

Më pas i doli emri në listën e pranimit dhe i morën masat trupore për uniformën. Kur ne po prisnim njoftimin për të filluar ndodhi e kundërta, shkolla filloi më datë 4.02.2019 dhe djalit tim nuk i erdhi njoftimi dhe nuk e thirri askush, që ti thoshte arsyen e mospranimit. Unë kërkoja arsyet, por po më sorollasnin. Ministria e Brendshme më dërgonte te komisariati i Durrësit, ndërsa këto më dërgonin te Ministria.

Më sorollasnin kot, arsyeja dihej unë jam një mësues që kam punuar 39 vjet me ndershmëri dhe gjatë viteve të punës jamë nderuar me tituj. Në vitin 2009 jam shpallur ?Mësues i Vitit?, por bindjet e mija janë të djathta.?,- ka shkruar denoncuesi i parë në adresë të ish-kryeministrit Berisha.

Denoncuesi i dytë shkruan se është një tjetër konkurent i cili i ka plotësuar të gjitha kriteret, por, sipas tij, Bilbil Mema me shokët në fazën përzgjedhëse e ka skualifikuar dhe vendin e tij e kanë zenë persona që kanë më pak pikë.

?Doja të denoncoja ?transparencën?, (që vetën e tillë nuk është), e Bilbil Memës me shokët në Akademin e Policisë. Unë që po ju shkruaj jam një konkurrent që fitova të gjitha fazat e konkurimit.

Ne fillim na u komunikua se do te zgjidheshin 150 të parët në rend zbritës, kur përfundoj u morën afërsisht 200 veta, sipas dëshirës së tyre. Si unë kanë lenë dhe shumë të tjerë dhe janë futur në shkollë persona me më pak pikë se unë. Kjo është shumë lehtë e verifikueshme.?,- ka shkruar denoncuesi i dytë./CNA.al