web counter
LEXO PA REKLAMA!

SHKARKO APP

App Store
Google Play

Gjyqtarët i tregojnë "dhëmbët"/ Burg për gruan që vodhi patatina për fëmijët

3 Mars 2019, 07:36, Aktualitet CNA

Një 34-vjeçare, cila punonte si shitëse tek një supermarket në Tiranë,  është kapur nga administratori , pasi në koshin e mbeturinave kishte fshehur 11 copë patatina dhe disa artikuj të tjerë që ishin pjesë e supermarketit ku ajo punonte.

Kapja është kryer në momentin që ajo do t?i merrte këto sende nga vendi ku i kishte fshehur për t?i çuar në banesë.

Për këtë rast është njoftuar Policia  dhe janë sekuestruar mallrat e vjedhura , që shkonin në vlerën e 47 mijë e 700 lek të vjetra.

Ajo ka deklaruar para gjykatës se kishte dalë për të hedhur mbeturinat dhe kishte gjetur kutinë me patatina, molto dhe detergjentë që shiten në marketin, ku punonte, të cilat i ka lënë në një vend ku nuk binte në sy, pranë hyrjes së pasme të dyqanit.

Të nesërmen në mëngjes, kur ka shkuar për t?i marrë dhe për t?i çuar në shtëpi, është ndaluar nga një shtetas në moshë,  i cili e ka pyetur dhe ajo i ka thënë vendin ku i kishte marrë. Duke menduar se punonjëset e dyqanit i kishin nxjerrë për t?i hedhur, ka vendosur t?ua çonte fëmijëve në shtëpi.

Mirëpo dëshmia e saj nuk ka vlejtur për gjykatën, shkruan shqiptarja.com.

Për një rast të tillë nuk ka pasur tolerim nga gjykata dhe  janë respektuar dizpozitat ligjore deri në fund.

Me 30 janar 2019, 34 vjeçarja është dënuar me 6 muaj burgim, por për shkak të gjykimit të është dënuar me 4 muaj burgim. Por kjo masë dënimi është pezulluar duke e vënë në shërbim prove për një periudhë 8 mujore./CNA.al

 





Lajmet e fundit nga