E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

TEC-i, mina me sahat për Korçën

2 Mars 2019, 10:57, Aktualitet CNA

Një vendim i qeverisë për t?i dhënë statusin e Investitorit Strategjik një kompanie të huaj që kërkon të ndërtojë një TEC gjigand në Korçë ka ndezur debatet dhe kontestimet në qytetin Juglindor.

Por ndryshe nga politika dhe përplasjet që shohim kudo në Shqipëri, korçarët dhe intelektualët e këtij qyteti kanë gjetur gjuhën e debatit dhe kontestimit të fortë me argumenta, se pse ky TEC nuk duhet të ndërtohet.

Pas reagimit të fortë qytetar shumë intelektualë kanë sjellë fakte konkrete kundër këtij TEC-i, që nga blerja e truallit me kërcënime e vlera qesharake, deri tek kostoja e lartë e energjisë me gaz, ndotja e madhe e ambientit, fakti se ky TEC nuk i jep asgjë banorëve të Bashkisë së re Korçë, ku përfshihen dhe disa komuna.

Pra TEC-i duket të jetë një minë me sahat që do qëndrojë mbi kokën e banorëve të zonës së Korçës. Korça do humbë shkëlqimin e saj si qytet turistik dhe do kthehet në një vend ku turizmi do jetë me CO2.

Edhe pse qeveria i jep statusin e investitorit strategjik çdo investitori me shumën mbi 30 milionë euro, strategji kjo që synon përgjysmimin e kohës në përgatitjen e dokumentacionit, GPP Korça, firma e cila pretendon të ndërtojë këtë TEC me gaz hapat i ka hedhur si të breshkës dhe tashmë duket se ka kundër edhe vetë kryebashkiakun e Korçës, Sotiraq Filo.

Reagimeve të forta intelektuale dhe me argumenta, Filo ju është përgjigjur prerë.

?Unë kam kërkuar dy gjëra, ky TEC të përgjysmojë ndotjen e ambientit që shkaktohet nga ngrohja me dru, së dyti të zgjidhë problemin e ngrohjes së qytetit dhe të ofrojë energji me çmim 2 deri në 3 herë më lirë për banorët e Korçës. Ndryshe, unë do jem në krye të protestës kundër ndërtimit të këtij TEC-I?,- mësohet të jetë shprehur Sotiraq Filo pas reagimeve të shumta nga qytetarët dhe intelektualët korçarë.

Reagimi i Filos duket se ishte edhe një përgjigje e prerë ndaj disa zërave të opozitës lokale kundër, të cilët në fakt kanë lidhje të forta me këtë investim në Korçë.

Edhe pas qëndrimeve të kryebashkiakut, një grup intelektualësh nuk është ndalur. Garancinë e marrë prej Filos e shohin si një vlerë të shtuar në lëvizjen e tyre kundër këtij TEC-i, që nesër mund të jetë një minë me sahat mbi kokat e korçarëve. /CNA.al

Një TEC vrasës në Korçë

TEC-i në Korçë/ Fizikanti: Korrupsion dhe genocid për popullsinë e zonës

Zbulohet dokumenti/Firma që do ndërtojë TEC-in në Korçë morri statusin e Investitorit Stategjik