web counter
LEXO PA REKLAMA!

SHKARKO APP

App Store
Google Play

E fundit!

x

Lista "Basha 2017"/ Kujtim Gjuzi si simbol i Republikës së Re

2 Mars 2019, 10:46, Aktualitet CNA

Një tjetër ?tradhëtar? u zbulua dje. Një personazh që e la Lulin dhe kunatin pa gojë. Një emër i futur në listë si mbushës topi, pasi ishte parti aleate nga ato 100 fantazmat që vijnë vërdallë në Shqipëri. Qëndroi si roje tek PD dhe nuk pagoi, dhe përfundoi në fund.

Kujtim Gjuzi, kryetari i Partisë Konservatore, i fundit në listën shtesë të Qarkut Durrës, ka pranuar të marrë mandatin e deputetit.

Mjaftonte ky akt për të rilexuar dhe rikujtuar edhe njëherë listën banale që Lulzim Basha, me mendjen e Alfred Lelës, Henri Çilit e Neritan Sejaminit me shokë, ju paraqiti shqiptarëve në 2017. Një listë ku shkëlqente çuni i Fahriut, Kujtim Gjuzrat e kompani dhe mungonte Jozefina Topalli apo Astrit Patozi dhe elita e PD-së.

Listë e plotësuar në shumicën e saj me anonimë dhe të pavlerë që në fillim dhe deri në fund. Listë me mandate të shitura, ku emra të panjohur si Agron Shehaj, dolën në krye. Ky i fundit me aktivitetin e tij, duke paguar e sposorizuar edhe portale pranë Lulit, nuk po ndalet duke paguar, por ndoshta është më i justifikuari nga lista e Bashës, lista e Republikës së Re, mbushur me budallenj dhe anonimë.

Sot grupi parlamentar ka braktisur Kuvendin dhe ka djegur mandatet, por askush  nuk po e ndjen mungesën e tyre. Askush nuk ka më mall për Flamur Nokën, që flet njësoj si Kujtim Gjuzi, apo Salianjin që duket si motra e tij, çuni Fahriut si trimi i  lagjes, apo Vali Duka që i bën fresk historisë të Paskal Milos.

Ai grup shumicën i kishte si Kujtimi, që priste Lulin në shkallët e PD-së për ta vendosur në fund të listës, të tjerët paguanin kunatin apo i lëpiheshin shumë ngjiteshin më lart. Nëse Kujtimi do kishte para si Agron Shehaj, mund të ishtë edhe më lart në listë. Ajo listë nuk u ndërtua nga vlerat, por nga paratë dhe lëpirja, prandaj solli 230 mijë vota më pak.

E sot kur opozita ka kauzë blerjen e votës, një nga pikat që ja rrëzon betejën është pikërisht shitblerja e mandateve nga Lulzim Basha dhe lista e Republikës së Re në 2017, pasoja e së cilës ishte 230 mijë vota më pak se 4 vite më parë. Pa folur për fushatën e mjerë të asaj kohe, kur Lul Basha kishte shpallur bashkëqeverisjen me Edi Ramën, dhe problem kryesor për vendin kishte evidentuar LSI-në dhe Çamët që sot i ka në krah si aleatë, pasi i ka hedhur pas përdorjes Edi Rama.

Sërish sot nuk kemi ndonjë ndryshim nga 2017, përvec zgjerimit të koalicionit opozitar, jo se ata janë me Lulin por i ka dëbuar Edi Rama, dhe koalicioni duket të jetë njësoj si lista e 2017-ës, ca të shitur e të blerë, ca pa vlerë dhe ca të tjerë që nuk ndryshojnë shumë nga Kujtim Gjuzi, që tashmë është simboli i Republikës së Re të Lulit dhe listave të tij në 2017. Pasojat i di dhe Luli që po përpiqet ti justifikojë pas dy vjetësh, por nuk duket se ka ndryshuar shumë në bindjen e tij se i duhet gjithmonë aleanca me Kujtim Gjuzrat dhe listat e Republikës së Re./CNA.al

Grupi i ri parlamentar i opozitës/ Zbulohen ?tradhëtarët? e Bashës





Lajmet e fundit nga