web counter
LEXO PA REKLAMA!

SHKARKO APP

App Store
Google Play

Kërcënoi me gjyq/ Tabaku i përgjigjet “dhëmb për dhëmbë” Ramës

2 Mars 2019, 10:30, Aktualitet CNA

Ish-deputetja e Partisë Demokratike, njëkohësisht ish-nënkryetare e Komisionit të Ekonomisë, Jorida Tabaku ka reaguar pas deklaratës së kryeministrit Rama, i cili tha sot se 17 çështje gjyqësore me Fabrikën e Shpifjeve janë në process.

Në një postim në rrjetet sociale, Tabaku i është përgjigjur Ramës, ndërsa thekson se opozita nuk frikësohet me gjyqe e presionin e gjykatës. Sipas saj, opozita nuk do të bëjë asnjë hap pas.

?Asnjë hap pas!

Kush mendon se frikëson opozitën me gjyqe e presionin e gjykatës duhet ta dijë që ajo nuk thyhet. Kush mendon që do mbyllë gojën e opozitës për të fshehur të vërtetën, nuk e ka kuptuar që fundi i çdo tiranie është i keq. Opozita nuk I frikësohet askujt, aq më tepër atij që I frikësohet qytetarëve dhe fshihet në protesta.?-shkruan Tabaku.

Më tej, ajo thekson se i qëndron çdo akuze që i ka drejtuar qeverisë dhe nuk do të heshtë as në gjykatë.

?Personalisht i qëndroj çdo akuze të drejtuar ndaj qeverisë. Nga inceneratorët e deri tek lojërat e fatit. Rilindja gjeti 890 pika të basteve dhe gjatë qeverisjes së saj ato shkuan 4200. Pika dhe kompani që zotëroheshin nga grupe kriminale për të cilat nuk heshtëm dje dhe nuk do të heshtim as në gjykatë.

Me datë 20 Mars seanca e rradhës. Do shkoj me argumenta e prova ashtu si kam folur gjithmonë në politikë, nuk kam në dorë as presionin e vettingut dhe as pushtetin por të vërtetën!?-përfundon postimin e saj Jorida Tabaku./CNA.al

Paralajmëron Rama: 17 çështje gjyqësore janë në proçes





Lajmet e fundit nga