web counter
LEXO PA REKLAMA!

SHKARKO APP

App Store
Google Play

Pse fshihet Shpëtim Idrizi kur del Vangjel Dule?

1 Mars 2019, 13:18, Aktualitet CNA

Ka një “dashuri” që vetëm Lulzim Basha mund ta realizonte. Një mblesë të tillë, nuk kishte parë historia e Shqipërisë. Nuk kishte parë që prej Luftës së Dytë Botërore.

“Dashuria” e çamëve me grekët, apo anasjelltas.

Një “dashuri” që nuk mundën dot ta ndiznin ndërkombëtarët, europianët dhe as amerikanët, një “dashuri” të tillë e ndezi vetëm Lulzim Basha, i cili më në fund ka në krah të tij dhe ka pajtuar e shtrënguar fort pas vetes Shpëtim Idrizin, ish-doganierin e Fatos Nanos, aleat i qeverisë së Berishës, që shkoi më pas me Ramën, ndërsa sot është në opozitë, dhe ?Qirje” Dulen, i cili shkoi qeverinë e Sali Berishës, më pas u bë nënkryetar i Kuvendit me Edi Ramën, iku pasi Rama i vendosi në krah Idrizin  si nëkryetar Kuvendit dhe shkoi te Basha, ndërsa sot është  me Shpëtim Idrizin, në krah të Lulzim Bashës.

Por, ka një detaj që ndoshta nuk e keni vënë re. Lexuesit apo ndjekësit e informacioneve politike vështirë se mund të gjejnë një foto të Shpëtim Idrizit me Vangjel Dulen.

Tani, ose ka frikë Shpëtimi nga Vangjeli, ose “Qirje” Vangjeli ka frikë nga Timi, se ka diçka që nuk shkon.

Asnjëherë në takimet opozitare nuk janë në krah të njëri-tjetrit. Nuk ndodhen bashkë, nuk shfaqen nëpër foto, megjithëse takohen brenda zyrave me Lulzim Bashën në selinë e PD-së, kur takimet janë të përbashkëta, por tregohen të kujdesshëm, asnjëherë të mos jenë në tavolinë në krah të njëri-tjetrit.

Pra, nuk ka një foto dorë për dore, të ?çiftit? të ri të ?dashuruar? Shpëtim Idrizi e Vangjel Dule, të cilët duket se kanë harruar hallet dhe problemet e çamërisë, hallet dhe problemet e minoritetit grek dhe tashmë në opozitë në krah të Lulzimit, ju vlon ?dashuria? e tyre./ CNA.al

Çfarë e bashkon Dulen me Idrizin apo çamët me grekët?

Aleanca Idrizi-Dule, si fitore e Çamërisë

Hipokrizia e Shpëtim Idrizit me çamët





Lajmet e fundit nga