Pas grabitjes së Prokurorisë/ Mikesha e Arta Markut rehabilitohet në SPAK?

27 Shkurt 2019, 14:19, Aktualitet CNA

Anita Jella, e cila u emërua në maj të 2018 në krye të Prokurorisë së Durrësit, ka aplikuar për t’u bërë pjesë e SPAKU-ut.

Jella u komandua në krye të Prokurorisë së Durrësit pas largimit të Donika Prelës tek Krimet e Rënda.

Me 24 maj 2018, Prokuroria e Durrësit, pra në kohën që drejtohej nga Jella, ka rënë pre e grabitjes. Situata ishte e tillë, në vend që të shkonte prokurori tek vendi i ngjarjes, shkon vendi i ngjarjes tek prokurori.

Në një njoftim për mediat, Prokuroria e Përgjithshme deklaroi se ambientet e Prokurorisë së Durrësit ishin sulmuar nga persona të paidentifikuar, të cilët sipas saj kishin përdorur mjete të forta për të hapur derën e zyrës së serverit, ku fillimisht kanë dëmtuar pajisjet e kamerave të sigurisë.

Ndryshe, emri i prokurores Jella, që në rrethin e prokurorëve njihet edhe si mikesha e Arta Markut, u lakua në fillim të vitit 2018 pas për përlasjes me ish-prokurorin Dritan Gina.

Ka qenë ish-prokurori Dritan Gina që në mars të vitit 2018, i cili u shkarkuar nga detyra si drejtues i Prokurorisë së Elbasanit, me urdhër të Kryeprokurores së përkohshme Arta Marku, që ka lëshuar akuza të forta ndaj Jellës.

Në kohën që Gjykata e Durrësit shqyrtonte ankimimin e bërë nga prokurori Dritan Gina në lidhje me shkarkimin e tij nga detyra, ai ka kërkuar që prokurori i kësaj çështje të mos ishte Anita Jella, pasi sipas tij, ajo është shoqe me Arta Markun.

Kaq është dashur që të reagojë prokurorja, duke e kthyer kështu seancën gjyqësore në përplasje personale.

?Unë kam qenë në një grup me Prokuroren e Përgjithshme por edhe me bashkëshorten e kallëzuesit. Kam qenë një brez në universitet me paditësin. Por kjo nuk përbën shkak. Kërkojmë që të mos fillojë çështja sepse vërejmë që nuk ka arsye për nisje të hetimeve. Procedimin disiplinor le ta ndjekë me rrugë tjetër. Kërkoj prishjen e vendimit dhe kalimin e çështjes prokurorisë kompetente?,– ka thënë Jella në seancën gjyqësore.

CNA.al ka zbardhur pasurinë e prokurores Jella, sipas të dhënave të marra pranë ILDKPKI -së, por edhe Open Spending Albania, ku rezulton se burimin e të ardhurave e ka nga paga e saj dhe e bashkëshortit.

Pasuria e deklaruar ndër vite

Në vitin 2003 ajo ka deklaruar tokë bujqësore me sipërfaqe 1000 metër katror si trashëgimi si dhe të ardhurat nga paga si prokurore në Librazhd.

Në vitin 2004 ka deklaruar gjendje cash 300 000 lekë, pagën si prokurore në shumën 1 089 090 lekë dhe pagën e vëllait në shumën 15 500 lekë.

Në vitin 2005 ka deklaruar 500 000 lekë cash, pagën si prokurore në Librazhd në shumën 1 147 195 lekë, dhe pagën e vëllait si mjek në shumën 640 000 lekë.

Në vitin 2006 ajo ka deklaruar kursime nga paga në shumën 700 000 lekë si dhe të ardhurat nga paga në shumën 1 174 955 lekë.

Në vitin 2007 ajo ka deklaruar kursime nga paga në shumën 520 000 lekë, të ardhura si prokurore në Librazhd dhe Elbasan në shumën 1315080 lekë.

Në vitin 2008 ajo ka deklaruar kursime nga paga në shumën 450 000 lekë, pagën si prokurore në Durrës në shumën 1042 978 lekë.

Në vitin 2009 ajo ka deklaruar kursime nga paga në shumën 160 000 lekë, të ardhura nga paga në shumën 1 006 712 lekë, të ardhura nga paga e bashkëshortit si oficer gjyqësor, në shumën 4 499 814 lekë, si dhe dy kredi bankare në emër të bashkëshortit në shumën 15 dhe 10 mijë euro.

Në vitin 2010 ajo ka deklaruar llogari rrjedhëse në emër të bashkëshortit në shumën 400 000 lekë, të ardhurat nga paga si prokurore në Durrës në shumën 858 674 lekë. Ndërsa për të njëjtën llogari rrjedhëse hapur për aplikimi për vizë, bashkëshorti Erion Qarri, ndryshe nga bashkëshortja thotë se ka 500 000 lekë. Edhe kredinë e marrë në vitin 2005, ai de klaron ndryshe nga viti 2009. Në 2009 thoshte që ka marrë 10 mijë euro, me 27.04.2005 ndërsa në 2010 thotë se deklaruar kredinë në vlerën 7 000 euro të marrë në vitin 2005. (në deklaratë nuk ka dhënë sqarime, nëse ka hequr shumën që ka paguar apo ajo).

Në vitin 2011 ajo ka deklaruar të ardhurat nga paga e saj si prokurore dhe e bashkëshortit i oficer i Policisë Gjyqësore. Më tej deklaron se në emër të bahkëshortit është bërë një kontratë me vlerën 55 mijë euro, por nuk e thotë se për çfarë lloj prone. Në të njëjtin vit ka deklaruar një llogari bankare në emër të bashkëshortit në shumën 5. 650.000 lekë.

Në vitin 2012 ajo ka deklaruar kursime në shumën 200 000 lekë, si dhe të ardhura nga paga e saj si prokurore dhe bashkëshortit oficer i Policisë Gjyqësore.

Në vitin 2013 ajo ka deklaruar pagën si prokurore në Durrës në shumën 995 648 lekë si dhe të ardhurat nga paga e bashkëshortit në shumën 712 017 lekë.

Në vitin 2014 ajo ka deklaruar të ardhurat nga paga dhe shpërblim nga shkolla e magjistraturës në shumat 1 037 675 lekë dhe 27 000 lekë. Bashkëshorti ka blerë një Audi që ka kushtuar 250 000 00 lekë.

Në vitin 2015 ajo ka deklaruar të ardhurat nga paga dhe shpërblim nga shkolla e magjistraturës në shumat 833 592 dhe 27 000 lekë.

Në vitin 2016 ajo ka deklaruar pagën e saj dhe të bashkëshortit, blerjen e një makine Ford Fiesta në shumën 150 000 lelë si dhe ka deklaruar apartamentin me sipërfaqe 113 metra katror, të blerë më herët në shumën 67 900 euro.

Në vitin 2017 ajo ka deklaruar kursime nga pagat në shumën 250 000 lekë, të ardhura nga paga si prokruore në Durrës 1 461 636 lekë, pagën e bashkëshortit si oficer i Policisë Gjyqësore në Vlorë, në shumën 1 072 672 lekë.

Gjendja në llogarinë rrjedhëse te pagës time me datë 31.12.2017, në shumën -45068,15 lekë.

Kredi bankare për blerje shtëpie marrë në muajin nëntor 2011 për një periudhë 20 vjeçare, për një shumë prej 5,650.000 lekë, në ernër të bashkëshortit Erjon Shqarri.

Shuma e shlyer në vlerën 452,498.35. 4,571,861 (katër milion e pesëqind e shtatëdhjetë e një mijë e tetëqind e gjashtëdhjetë e një) lekë. (principali i mbetur)

Detyrim kartë krediti (Mastercard) në emrin tim, me limit 180 000 lekë, e vlefshme deri me 10/2019 e nxjerrë në vitin 2016. Shuma e pashlyer është 90 604,66 lekë. Shuma e pashlyer është 174.933,65 lekë.

Detyrim ndaj firmës ndërtuese V-Ndërtim për blerje apartamenti të deklaruar, sipas deklaratës noteriale mr datë 08.10.2016. Shuma a pashlyer është 12 900 euro./CNA.al