web counter
LEXO PA REKLAMA!

SHKARKO APP

App Store
Google Play

Importi i makinave të përdorura/ Qeveria merr një tjetër vendim

27 Shkurt 2019, 13:11, Aktualitet CNA

Ministrja  e Infrastrukturës dhe Energjisë, Belinda Balluku në një dekleratë për mediat ka bërë të ditur se qeveria ka ndryshuar vendimin për importin e makinave të përdorura.

Balluku tha se vendimi i ndalimit për makinat e përdorura është shtyrë deri më 31 dhjetor të vitit 2019.

?Ndryshimet e miratuara sot në mbledhjen e Qeverisë në VKM 633 konsistojnë në: 1. Shtyrjen e afatit të hyrjes në fuqi të kësaj vendimmarrje. Nga data 28 shkurt 2019 që ishte në VKM 633, afati shkon në datën 31 dhjetor 2019. 2. Zhdoganimin e automjeteve që kanë hyrë në Shqipëri pas hyrjes në fuqi të VKM 633. Me ndryshimin e bërë sot parashikohet që do të lejohet zhdoganimi i të gjitha mjeteve që kanë hyrë në territorin e Shqipërisë deri në datë 31 dhjetor 2019. 3. Standartizimin sipas parametrave matës për emetimin e gazrave me standardet e BE-së.

Automjetet e përdorura që do të futen në territorin e Republikës së Shqipërisë duhet të përmbushin kushtet teknike Euro 4, ndërkohë që automjetet me kilometrazh 0 duhet të përmbushin kushtet Euro 5 dhe Euro 6. Ministria e Infrastrukturës dhe Energjisë vlerëson punën konsistente dhe serioze që ka bërë Ministria e Turizmit dhe Mjedisit si dhe bashkëpunimin shumë të mirë që kemi pasur në trajtimin e të gjithë problematikave që kërkojë bashkërendim institucional.?, tha ndër të tjera Balluku./CNA.al





Lajmet e fundit nga