Sikur populli të ishte si Mona s’do të kishte më protesta

27 Shkurt 2019, 10:03, Aktualitet CNA

Dje pasdite opozita zhvilloi protestën e radhës kundër qeverisë dhe kryeministrit Rama, pas djegies së mandateve të deputetëve formalisht rreth një javë më parë, pasi ligjërisht ende ato nuk janë kryer.

Por, gjithësesi ajo që ra në sy dje ishin dy deklarata kryetares së LSI-së, Monika Kryemadhi.

Deklarata e parë ishte kur ajo tha se në protestë kishte edhe nipin e Nexhmije Hoxhës, vejushës së ish-diktatorit, Enver Hoxha apo komunistë dhe enveristë që protestonin në krah të Lulit.

Dhe deklarata e dytë, më e bukur dhe spektakolare e Monës ishte se ajo ishte si populli dhe se politikanët në krah të saj ishin si populli.

Sikur populli të ishte si Monika, nuk do të kishte kurrë protestë. Për këtë jemi të gjithë të bindur, nga i pari tek i fundit.

Nëse populli do të ishte si Monika do të kishte një vilë në breg të detit tek Gjiri i Lalzit, me 11 dhoma dhe me banjo edhe për macen. Apo me mijëra e mijëra metra katëror tokë të mbjella me pemë dhe ullinj qindra e qindra vjeçarë.

Sikur populli të ishte si Monika do të kishte pasur ministra në kohën e Sali Berishës. Do të kishte pasur burrin kryeministër, do të kishte pasur ministra në qeveri me Edi Ramën, do të kishte pasur burrin kryetar Kuvendi. E sikur populli të ishte si Monika, do ta kishte burrin president.

Sikur populli të ishte si Monika do të ishte më mirë, sepse ne nuk do të kishim protesta dhe në qoftë se do të ishte ashtu siç tha ajo dje, nuk do të kishim një tufë me batakçinj të LSI-së, një bandë hajdutësh dhe njerëzish të cilët i janë qepur Shqipërisë për ta rrjepur dhe flasin në emër të mjerimit e varfërisë së shqiptarëve dhe korrupsionit.

Populli s?ka lekë për librat e fëmijëve dhe shkollat s?kanë ngrohje, ndërsa Mona i çon fëmijët që në gjimnaz në Angli. Populli merr rroge sa gjysma e çmimit të një xhakete të Monës apo më pak sesa paguan ajo parukieren në muaj. Vërtetë Mona është si populli.

Ky është rasti kur mund të bërtasim fort dhe të themi se populli nuk është kurrë si Monika, sepse sikur populli të ishte si Monika nuk do të kishim më protesta. Populli është viktima e Monikës dhe bandës së saj të themeluar nga Ilir Meta dhe që quhet LSI./CNA.al

Protesta e Opozitës/Kryemadhi: Sot shqiptarët vuajnë njëlloj si unë

Foto-Flet për varfërinë/ Kryemadhi e mbuluar në luks

Sa kushton xhaketa e Kryemadhit dhe veshja sot në Kuvend