E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Ku na humbi Kryeministri?

26 Shkurt 2019, 17:55, Aktualitet CNA

Shqipëria po ?shijon? frytet e hidhura të një amullie shumëdimensionale.

Amulli ekonomike, ku raportet e ndërkombëtarëve na e rivlerësojnë inflacionin si më të lartë. Amulli treguesish ekonomikë me defiçite tregtare në rritje.

Amulli demografike me popullsi në tkurrje dhe në plakje drastike.

Amulli politike e paprecedentë me djegie mandatesh nga e gjithë opozita dhe përtharje të parlamentit dhe të debatit politik institucional.

Amulli në drejtësi me procesin e shumëpërfolur të vetting-ut dhe me tundjen e emrit të SPAK si shpata e Damokleut mbi kokën e të gjithë të pabindurve dhe të atyre jashtë rreshtit.

Amulli në qeveri ku para pak muajsh u ndërrua gjysma e kabinetit ministror duke eksperimentuar koktejlin kosovaro-shqipfolës.

Amulli pas amullie që nuk del faqja për ta numëruar…

E në tërë këtë klimë sa të mjegullt aq edhe të pasigurt, tkasapaguesit shqiptarë vazhdojnë e paguajnë për një Kryeministër që ka humbur me nam e me nishan nga atributet qeverisëse, duke qenë më së shumti në gjueti të votave, në takime të pakuptimta jashtë, apo në hapje ekspozitash promovuese të vetvetes, por asnjëherë të vendit të tij dhe tagrave për të cilat është mandatuar dhe paguhet.

E ka humbur Kryeministri ynë zyrën si Xhaferri simiten.

I ka lënë Kryeminsitri ynë ?jetimë? edhe minsitrat, edhe ministritë, madje ka braktisur edhe magjiken #Shqipëriaqëduam, të cilën e kishte me aq qejf e zell. Shyqyr që kemi kemi Facebook dhe sa herë që duam të marrim lajme dhe habere kadrieske, hapim stacionin e preferuar ERTV, ku informohemi mbi arritjet dhe bëmat e Skënderbeut tonë, për fitoret, për sqarimet, për dajakun që u jep të gjithëve me komente, pavarësisht moshës, gjinisë, rracës dhe besimit fetar, mjafton që ata të devijojnë sadopak nga përgëzimi i ?fitoreve? dhe ?arritjeve? të Rilindjes!

Jemi në kushtet e emergjencës kombëtare nga ta kapësh e nga ta shohësh, por mbi të gjitha, jemi në kushtet e emergjencës kombëtare se na ka humbur vulëhumburi Kryeministër! Kush ta gjejë, të lajmërojë policin apo zyrën më të afërt, që ta na e sjellin në Tiranë, të gjejë zyrën dhe të fillojë nga punës, se edhe pak dhe na mbaron edhe abonimi i internetit në facebook dhe nuk do të mudn ta shohim në ERTV!

Nëse nuk e gjejmë deri në fund të javës, do të duhet ta shpallim në kërkim ?Wanted, lost Prime Minister?, kush e gjen, merr shpërblim!

O Kryministër, lëri votat dhe shfrimet kundër mediave dhe opozitës, po hajde një herë dhe bëj ndonjë punë, se na mori malli të kuptojmë se akoma qeverisemi, pavarësisht se si e nga kush!

Falemnderit kush lajmëron!