web counter
LEXO PA REKLAMA!

SHKARKO APP

App Store
Google Play

Kryemadhi akuza të renda ndërkombëtarëve/ Pengje të lidhjeve korruptive

26 Shkurt 2019, 21:23, Aktualitet CNA

“ Regjisë tuaj i kam dhënë një fotografi. Është përfaqësuesi i OSBE-së që zgjidh fjalëkryqe në Shqipëri, kur bëhen protesta apo zhvillohen zgjedhjet. Fjalëkryqet nuk zgjidhen me kostum. Ky është që thotë se blerja e votës nuk ndikon në rezultat. Këta kanë certifikuar shitblerjen e votës. OSBE-ja në Tiranë dhe kushdo tjetër që kërkon t’i shërbejë me devotshmëri të madhe këtyre veprimeve kriminale dhe e dyta mbulimit të gjurmëve të blerjes së votës nga krimi i organizuar, do të jenë edhe këta pjesë dhe do ta kërkojë opozita në të ardhmen në një sistem drejtësie të pa kapur, në mënyrë indirekte të elementëve të caktuar që kanë ardhur si diplomatë për të favorizuar kriminelë, trafik influence. Diplomatë që mbyllin sytë dhe fshehin provat dhe faktet që tregojnë haptas blerjen e votës. Kanë mbyllur sytë kur vijnë raporte..”.

Akuza e rendë vjen nga Monika Kryemadhi, kryetare e LSI-së, nëpërmjet tryezës së emisionit “Tempora”, në TV “Ora Neës”, ku në qendër të diskutimit ka qenë situata e acaruar politike dhe këshillat e ndërkombëtarëve.

Duke komentuar rreth “virgjërisë” së përfaqësuesve të disa institucioneve tepër të rendësishme ndërkombëtare, Kryemadhi ka befasuar kur ka thenë se nuk i do fare disa prej përfaqësuesve të tyre. Kjo pasi,sikurse ajo vlerësoi: janë peng të koncesioneve politike dhe ekonomike

“Uunë nuk i dua fare”, ka përsëritur Kryemadhi, që pyetjes së moderatores:”Keni fakte për lidhje korruptive?”, i është përgjigjur”

“Absolutisht! Për lidhje nga më të ndryshme për afera korruptive por edhe afera të tjera shumë të poshtra që jo vetëm i ulin integritetin Shqipërisë dhe institucioneve që përfaqësojnë”./CNA.al





Lajmet e fundit nga