web counter
LEXO PA REKLAMA!

SHKARKO APP

App Store
Google Play

E fundit!

x

Tabaku “kryqëzon” Policinë/ Helmoi fëmijë dhe nxënës

26 Shkurt 2019, 20:46, Aktualitet CNA

Protesta e zhvilluar pasditen e sotme nga opozita u shoqërua me tensione mes protestuesve dhe policisë çka solli përdorimin e gazit lotsjellës nga këto të fundit.

Në lidhje më përdorimin e gazit ka reaguar ashpër ish-deputetja e PD-së Jorida Tabaku e cila në një postim në rrjetet sociale shkruan se nga gazi nuk u prekën vetëm protestuesit por edhe fëmijë, nxënës dhe banorë të lagjes.

?Sot përsëri në protestën para parlamentit policia hodhi gaz lotsjellës dhe helmues tek protestuesit në mënyrë të vazhdueshme dhe në drejtime të ndryshme. U prekën jo vetëm protestuesit, por edhe fëmijët, nxënësit, banorët e lagjes si dhe qytetarët kalimtarë të cilët u helmuan!?,-shkruan ajo.

Sipas Tabakut, policia sulmoi ditën e sotme qytetarët për të mbrojtur votën e blerë.

?Sot policia sulmoi përsëri qytetarët e tij për të mbrojtur ato që votën e blerë e konsiderojnë të ligjshme. Ajo nuk po mbron institucionin, as godinën por ato që vjedhjen e konsiderojnë të drejtë. Mazhoranca mblidhet fshehurazi, ka frikë nga e vërteta që ishte përballë saj. Ajo ikën me vrap apo fshihet pas gazit të policisë pasi ka frikë nga shumica, e cila ka pushtuar rrugën dhe nuk tutet nga helmimi i strukturuar qeveritar?,-shkruan Tabaku.

Në mbyllje të shkrimit të saj Tabaku thekson se ata do të vazhdojnë të jenë aty dhe të përballen me gazin dhe helmet kimike.

?Ne do të jemi aty. Me qetësi, vendosmëri, me forcën e numrave ndonëse përballë kemi gazin dhe helmet kimike. Shqiptarët po tregojnë se nuk bien dakord as me taksat e larta, as me korrupsionin, as me krimin e drogën. Ne sot po u tregojmë të gjithëve se nuk jemi për një demokraci fasadë. Boja e së cilës ka vite që ka dalë!?,-përfundon Tabaku./CNA.al





Lajmet e fundit nga