E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

“Beteja për para dhe pushtet”/ Gazetari zbardh luftën e klasave

27 Shkurt 2019, 15:15, Aktualitet CNA

Gazetari Denis Dyrnjaja në një postim në rrjetet sociale ka komentuar situatën politike në vend.

Dyrnjaja e ka cilësuar konfliktin politik si një formë të re të luftës së klasave.

Sipas gazetarit ky konflikt bazohet mbi teorinë ?o me ne, ose kundër nesh? njëlloj si në sistemet diktatoriale.

Më tej Dyrnjaja shkruan se edhe pse po mbushen 30 vjet demokraci akoma është e vështirë të pranohet mendimi i kundërt.

Postimi i plotë:

Beteja për para dhe pushtet si reminishencë e luftës së klasave!

Konflikti politik po prodhon një formë të re të luftës së klasave, një nga handikapet më të mëdha të politikës së sotme dhe reminishencë e sistemit diktatorial. Ky konflikt po bazohet mbi teorinë “o me ne, o kundër nesh” njëlloj si në diktaturë, ku kjo mendësi ndau dhe përçau shqiptarët për 45 vjet me rradhë. Ajo ishte një mendësi e kultivuar dhe zbatuar thellësisht nga pjesa më refraktare dhe ekstremiste por edhe më mediokre e sistemit komunist. Klithmat e së shkuarës, linçimet dhe pretencat politike për çdo mendim ndryshe janë megalomania dhe prapambetja më e madhe që gëzon sot në tërësi politika dhe politikbërësit në Shqipëri. Edhe pse po mbushen 30 vjet në të ashtuquajturën demokraci, akoma është e vështirë të pranohet mendimi i kundërt, kritika ose alternativa. Ajo që e bën më të rëndë këtë mentalitet arkaik politik, e bën fakti se këtë qasje e këto reminishenca vijnë pikërisht nga individë, grupe dhe formacione politike që pretendojnë se janë luajalë dhe të hapur. Në fakt demagogjia nuk është mburoja e duhur sepse në një mënyrë ose në një tjetër, direkte ose të indirekte ata i shfaqin prirjet e diktatit që bashkëjetojnë dhe bashkëudhëtojnë me ta politikisht. Gjithesesi koha ka provuar se forca e arsyes është më e fortë se forca e diktatit. Forcën e arsyes e besojnë te gjithë, diktatin vetëm ai që e mbart dhe idhëtarët që e pasojnë. Humbësit janë gjithmonë miopët që e lexojnë realitetin përmes sugjestionit. Asnjëherë nuk është vonë për t’u korrigjuar!/CNA.al