web counter
LEXO PA REKLAMA!

SHKARKO APP

App Store
Google Play

E fundit!

x

"Karrocë pa frena"/ Patozi: Situata katastrofike eklipson integrimin

25 Shkurt 2019, 20:14, Aktualitet CNA

Situata që zotëron vendin është e paprecedent. Është një situatë që po nuk u ndal mund ta çojë vendin në katastrofë. Shqipëria e sotme i ngjan një karroce pa frena…

Ky ka qenë thelbi i bisedës që ish deputeti i PD-së, Astrit Patozi, ka zhvilluar në studion e lajmeve të Ora News, ku ka qenë prezent. Tema e diskutuar ka qenë situata e acaruar politike dhe roli i ndërkombëtarëve.

Pasi ka vlerësuar rëndimin e krizës politike, Astrit Patozi ka thenë se shpreson në ndërhyrjen e ndërkombëtarëve. Gjë që po nuk ndodhi do të sjellë pasoja katastrofike.

“Do dëshiroja që ta evitonim eskalimin e situatës. Mendoj që e vetmja shpresë është ndihma e partnerëve ndërkombëtarë të cilët mund të shërbejnë si zjarrfikës për të shuar zjarrin. Në këtë situatë çështja e integrimit kalon në plan të dytë. Duhet të evitojmë përshkallëzimin e situatës, që me shumë gjasa mund të ndodhë sepse bijtë e shqipes i kanë nxjerrë shpatat nga milli dhe në rast se nuk do të ketë një ndërhyrje energjike të partnerëve ndërkombëtare për t’i gjetur një zgjidhje, që edhe mund të vonojë, por që nuk është e pamundur, unë parashikoj re të zeza për Shqipërinë. Unë pres veprimin dhe aksionin e tyre që mbase mund ta frenojë rënien e karrocës tonë që sot është pa frena,- ka vlerësuar Patozi./CNA.al





Lajmet e fundit nga