E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

Përdhosi viktimat çame/ PDIU përgjigje të ashpër Presidentit grek

25 Shkurt 2019, 19:02, Aktualitet CNA

Presidenti i Greqisë, Prokopis Pavlopoulos, ka qenë sot në Konicë, zonë kufitare kjo pranë kufirit me Shqipërinë. Motivi i vizitës ishte festa e 106-vjetorit të çlirimit të Konicës nga robëria osmane.

Gajtë fjalës së tij krahas mesazheve e thirrjeve për unitet në çështje të temave kombëtare dhe të fqinjësisë, Presidenti ka bërë artikulime edhe rreth çështjes çame, pa hezituar ti quaj viktimat e shovinizmit grek “bashkëpunëtor të nazistëve”.

“…Shqipëria për fat të keq, ende edhe sot nuk i ka hedhur tej ato kërkesa të pakonceptueshme të gjoja të të drejtave të çamëve kriminelë, bashkëpunëtorë të nazistëve…”,- ka përsëritut presidenti Pavlopoulos.

Ndërkohë, pak minuta më parë, PDIU ka publikuar një deklaratë, ku i kundërvihet qëndrimit të Presidentit.

“Deklarata të përsëritura të një njeriu që për shkak të moshës dhe pozicionit duhet të ishte më i matur nga politika greke. Po na shfaqet së bashku me “Agimin e Artë” si një reminishencë e qarqeve nacionaliste dhe pasardhës i Napolon Zervës.

Presidenti grek qëllimisht ngatërron pjesën më të tërën dhe rolet në histori. Së pari duhet ti kujtojmë Presidentit Grek se atë deklaratë po e bën në një tokë shqiptare, në Konicë dhe i referohet pikërisht vitit të mbrapshtë 1913, ku trupat greke pushtuan Çamërinë, Follorinë e Kosturin.

Arritën deri në Hormovë dhe më pas bënë masakrën e Panaritit. Sigurisht që është për të ardhur keq që Pavlopulos po shfaqet si përfaqësus i shekullit të kaluar, ku shqiptarët nëpërkëmbeshin, por ky nuk është shekulli i tij, por i shqiptarëve. Sigurisht ai mund të flasë me nostalgji për një epokë të kaluar që nuk kthehet më…”,- thuhet ndër të tjera në deklaratën e PDIU-së. Qe mbyllet me frazat:

“… Pavlopulos, ka ikur koha kur e coptuat Shqipërinë dhe masakruat Çamërinë. Ky është shekulli i shqiptarëve dhe Çamëria ka zot. Është çështje kohe që e drejta të triumfojë”. /CNA.al