web counter
LEXO PA REKLAMA!

SHKARKO APP

App Store
Google Play

E fundit!

x

A po mashtron Luli me dorëheqjet nga mandati?

24 Shkurt 2019, 13:59, Aktualitet CNA

Të enjten që shkoi Opozita në mënyrë demostrative dorëzoi mandatet në Kryesinë e Kuvendit.

Mirëpo ende nuk dihet se kur do të fillojë procedura parlamentare e shqyrtimit të dorëheqjeve nga mandatet.

Deri në fillimin e kësaj procedure, mandatet janë ende në fuqi, ndërkaq, të gjithë presin që KQZ të zëvendësojë vendet bosh.

Por, KQZ nuk heq mandate dhe as nuk pranon dorëheqje nga mandati, KQZ jep mandate,  pas deklarimit të vakancave nga Këshilli i Mandateve.

Pra, nuk ka vende bosh pa u bërë procedura në Këshillin e mandateve dhe pa u shpallur vakancat nga Kuvendi.

Në këtë mënyrë çdo letër tjetër e përcjellë në KQZ është dokument i falsifikuar.

Pasi nuk mund të ketë zëvendësim, pa vakancë. Letrat e fotografuara të dorëheqjeve nuk mjaftojnë.

Deri më sot Kuvendi ka ndjekur gjithmonë praktikën e njoftimit të dorëheqjes dhe shpalljes së vakancës. Në  rastet e mëhershme, të dorëheqjeve të deputetëve, shkresa e Kuvendit i është drejtuar Komisionit Qendror të Zgjedhjeve me tre elementë.

Duke nisur nga njoftimi se deputeti ka hequr dorë nga mandati. me shpalljen e përfundimit të mandatit të deputetit të dorëhequr si dhe me elementin e tretë,
njoftimi i krijimit të vakancës dhe kërkesa për zëvendësimin e deputetit.

Kushtetuta, Kodi Zgjedhor dhe rrregullorja e Kuvendit parashikojnë procedurën për dorëzimin dhe afatet për shqyrtimin e dorëheqjeve individuale nga mandati i deputetit.

As  nga Këshilli i Mandateve të Kuvendit ende nuk ka një njoftim për datën kur fillon shqyrtimi i dorëheqjeve./CNA.al





Lajmet e fundit nga