web counter
LEXO PA REKLAMA!

SHKARKO APP

App Store
Google Play

Njihni përbërjen dhe axhendën e delegacionit të PE që mbrin të Shqipëri

22 Shkurt 2019, 19:43, Aktualitet CNA

Sikurse është paralajëmruar një delegacion i Komisionit të Punëve të Jashtme të Parlamentit Europian do të mbërrijë të mërkurën në vendin tonë. Qëllimi i ardhjes së tij është informimi në detaje rreth situatës krizuale në të cilën është futur vendi, pas dorëzimit të mandateve nga deputetët e opozitës. Mirëpocila është përbërja e këtij delegacioni?

Ai  përbëhet nga deputetë të grupimeve të ndryshme politike të Parlamentit Europian. Grupimi i Partive Popullore (EPP) përfaqësohet nga Cristian Dan Preda dhe Tunne Kellan.

Grupimi i Socialistëve dhe Demokratëve (S&D) përfaqësohet nga raportuesi për Shqipërinë, Knut Fleckenstein dhe Juan Fernando Lopez Aguilar.

Grupimi i Liberalëve dhe Demokratëve (ALDE) përfaqësohet nga Ilhan Kyuchyuk. Grupimi i gjelbër (The Greens) nga Tamas Mezcerics. Grupimi i konservatorëve dhe reformistëve (ECR) do të përfaqësohet nga Bas Belder dhe grupimi i Europës së Kombeve dhe Lirive (ENF) Jean-Luc Schaffhausser.

Dhe cila është axhenda e tij?

Në fillim delegacioni i PE-së do të takohet me kryetarin e PD-së, Lulzim Basha, dhe kryetaren e LSI-së, Monika Kryemadhi. Më pas takimet do të vijojnë me kryeministrin Edi Rama dhe Ministrin e Punëve të Jashtme në detyrë, Gent Cakaj.

Delegacioni do të takohet edhe me kryetarin e Kuvendit, Gramoz Ruçi, si dhe dy përfaqësues të shoqërisë civile, ndërsa nuk përjashtohen takimet me Ministrin e Brendshëm dhe Ministren e Drejtësisë./CNA.al





Lajmet e fundit nga