E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Djegia e mandateve/ Çfarë loje po luan tani Rama me Lulin

22 Shkurt 2019, 18:27, Aktualitet CNA

Burime konfidenciale i kanë thenë CNA.al se, pas plotësimit dhe nënshkrimit të kërkesave për heqjen dorë nga mandati i deputetit, të gjitha këto sakaq kanë mbritur në Komisionin Qendror të Zgjedhjeve, ndërkohë që të drejtën ligjore për shqyrtimin e tyre e ka Këshillit i Mandateve të Parlamentit.

Depozitimi i kërkesave pranë KQZ dhe jo në zyrën e Këshillit të Mandateve, sipas konstitucionalistëve, është një procedurë jo kushtetuese. Gjë kjo që nuk përbën habi, pasi edhe vetë djegia e mandateve është po procedurë antikushtetuese, e pandeshur deri më sot në praktikën shqiptare.

Gjithsesi fjalën e kemi tjetërkund. E sollëm faktin e mësipërm për të ngritur pyetjen: Çfarë loje po luajnë tashmë Edi Rama me Lulzim Bashën!? Pse, kur vjen fjala për të nëpërkëmbur Kushtetutën, Kodin, aktet ligjore e nënligjore dhe Rregulloren e Kuvendit, këta të dy bien gjithmonë dakord, në heshtje, pa shkëmbyer asnjë akuzë, pa sajuar asnjë debat!?

Kush mund të ketë shpresë në ecjen përpara të demokratizimit të këtij vendi kur Kuvendi, maxhoranca dhe opozita bashkë, nëpërkëmbin, njëri për kapriço e tjetri nga injoranca, çdo akt që shërben si ruajtës i sistemit ?

Pse maxhoranca, me koshiencë të plotë dhe me qetësi të pashoqe, refuzon të zbatojë rregulla, që janë të qarta edhe për fëmijet e fillores? Kë po edukojme dhe si po i edukojmë brezat e rinj Zoti kryeministër?

E gjitha sa përmendëm më sipër po ndodh duke i bërë karshillëk thirrjeve të ndërkombëtarëve, qoftë atyre të Bukselit apo të SHBA e gjithë të huajve të tjerë, që sugjerojnë se mandatet nuk duhen lëshuar, për hatër të rruajtjes së opozitarizmit, pa të cilin demokracia është e plagosur rendë.

Madje për këtë motiv pritet që në fillimjavën e ardhëshme të mbrijë në Tiranë delegacioni europian, ndërkohë që edhe sot për të dytën ditë qeveria gjermane ka artikuluar kritika ndaj këtyre akteve të papranueshme për një demokraci funksionale, ku ligji sundon mbi gjithçka.

Në këtë atmosferë kundërshtish, Lulzim Basha vrapon të dorëzojë letrat e mbushura, Rama vrapon të mbyllë procedurën, duke mos e përfillur anën ligjore që dikton Kushtetuta. Për kë punojnë këta të dy, xhanëm?!/ CNA.al