web counter
LEXO PA REKLAMA!

SHKARKO APP

App Store
Google Play

Fitorja e parë e Lulzim Bashës

20 Shkurt 2019, 17:53, Aktualitet CNA

Sot pas mbledhjes së Këshillit Kombëtar të PD, ku u votua formalisht unanimisht për djegien e mandateve të deputetëve, u publikuan dhe dorëheqjet e para nga posti i deputetit dhe dorëzimi i mandateve në Kryesinë e Kuvendit.

Në fakt djegia e mandateve nga Grupi aktual parlamentar është dhe fitorja e parë e Lulzim Bashës. Askush nuk mund të mohojë këtë fitore, por shumë prej atyre që u dorhoqën sot, nesër do akuzojnë.

Luli me djegien e mandateve të tyre shpëtoi nga një Grup parlamentar i mbushur me palaço e sharlatanë, me video skandale erotike, aq qesharakë sa askush nuk i besonte dhe dëgjonte. Një grup që e ndërtoi vetë me klientelën e tij dhe të familjes, një grup që ka patur akuza të forta edhe për shitjen e mandateve të deputetëve për një listë të gatuar fshehurazi. Por tani të gjitha bien poshtë.

Ju morri apo jo lekë, i përdori ose jo, ata nuk janë më. Luli sot rregjistroi fitoren e parë të tij në 5 vite si kryetar i PD. Shpartalloi një Grup parlamentar të turpshëm që e ndërtoi vetë. Me shumë gjasa të gjithë besojnë se ja shpartalloi Doktori me një lëvizje

Jo se ka ndonjë shpresë se grupi i ri mund të jetë më ndryshe, pasi do ikin disa nga këta e do vijnë Enno, Kadilli me shokë, por të paktën do ketë disa korrigjime dhe pse mund të jetë i njëjtë prapë nuk do jetë me keq se kaq. Luli korri një fitore, pikërisht me ata që u shiti mandate dhe i përdori si mall pazari me Edi Ramën./CNA.al

 





Lajmet e fundit nga