E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

Skandal-Basha në shtëpinë e protestuesit/ Falsifikohet procesverbali

19 Shkurt 2019, 13:33, Aktualitet CNA

Juristi Ivi Kaso ka përfaqësuar në gjykatë sot protestuesit e arrestuar nga Policia për protestën e 16 shkurtit.

Në një prononcim për mediat jashtë dyrve të Gjykatës, Kaso ka zbuluar për mediat një falsifikim të rëndë që sipas tij është bërë për të nxjerrë me çdo kusht, fajtor për dhunë, njerin prej protestuesve.

Bëhet fjalë për ish-kreun e Policisë Bashkiake, Florens Hoxhën.

Kaso tha se procesverbali i arrestimit të Hoxhës është falsifikuar, pasi në orën 21:00 kur shkruan se ka ndodhur arrestimi, në shtëpinë e Hoxhës ka qënë i pranishëm vetë kryetari i PD, Lulzim Basha dhe deputetët e djathtë. Ata janë larguar prej aty në orën 22:00.

Për këtë arsye, Kaso deklaroi se për këtë dokument të falsifikuar ka bërë kallëzim ndaj krerëve më të lartë të Policisë. Ndërsa, për protestuesit e tjerë të arrestuar, Kaso tha se nuk ka prova që të dëshmohet dhunë nga ana e tyre.

?Organi i Prokurorisë dështoi të sillte një provë të vetme, një imazh të vetëm që t?i lidhte këta persona me akte të dhunshme siç u pretendua me fjalë.

Prova nuk ka në asnjë nga fashikujt që Prokuroria solli sot, për asnjë nga personat që mbahen të arrestuar padrejtësisht.

U paraqit një provë e fallsifikuar, procesverbali i dytë i kontrollit të banesës së shtetasit Florens Hoxha është qartësisht i falsifikuar.

Është falsifikuar ora e mbajtjes së këtij procesverbali për arsye që t?i jepet gjykatës pasqyrimi i rremë i realitetit, kur në fakt ky kontroll është realizuar jashtë çdo procedure ligjore dhe jashtë orarit ligjor, që parashikon orën 22:00 si orar maksimal për ushtrimin e kontrollit të banesës në çfarëdo rrethane dhe procesverbalin që nuk e di kush e mori guximin, kush e ka firmosur do të mbajë përgjegjësi, mban orën 21:00!!!

E theksoj se në orën 21:00, në ambientet e shtetasit Florens Hoxha kanë qënë disa deputetë të PD, të kryesuar nga kryetari i opozitës, i PD, që nuk kanë lëvizur nga kjo banesë deri në orën 22:00.?-tha ndër të tjera Ivi Kaso.