web counter
LEXO PA REKLAMA!

SHKARKO APP

App Store
Google Play

Zbulohet plani i qeverisë tranzitore/ Çfarë synon Basha

19 Shkurt 2019, 10:49, Aktualitet CNA

Kryetari i Partisë Demokratike, Lulzim Basha ka zhvilluar sot një takim me kreun e Këshillit Kombëtar të kësaj force politike, Bujar Nishanin.

Në një prononcim për gazetarët pas takimit, kryedemokrati Basha tha se nga e enjtja nuk do të ketë më parlament. Ditë kur opozita, pas tubimit të së shtunës para kryeministrisë, do të mblidhet në një protestë tek parlamenti.

“Nuk ka kthim prapa, nuk është thjesht djegie mandatesh, nuk do ketë më parlament, nuk do ketë parlament fasadë, ata mund të mblidhen të marrin vendime dhe shqiptarët do i përgjigjen. Ne do të jemi krah qytetarëve”, tha Basha.

Por, për herë të parë Basha ka zbuluar se cili është plani i qeverisë tranzitore.

?Detyra e parë e qeverisë tranzitore do të jetë të arrestojë politikanin e kapur në vjedhje votash, Vangjush Dako, kryebashkiak i Durrësit”.

Pyetjes së gazetarëve, se si mundet një qeveri të marrë kompetenca prokurorie për të hetuar dhe arrestuar politikanë, ai iu përgjigj: “Qeveria  e ndalon arrestimin e tij, duhet të mos ketë asnjë ndërhyrje politike si ajo e Ramës për të mos arrestuar Dakon.

Një nga arsyet e shkarkimit të Xhafës ishte që për luftën e klaneve rrezikoi arrestimin e Vangjush Dakos.  Damian Gjiknuri që është kapur duke vjedhur vota duhet të shkojë në burg”./CNA.al





Lajmet e fundit nga