E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Të gjithë aleatët e Lulit që “flirtuan” me Ramën

19 Shkurt 2019, 10:32, Aktualitet CNA

Opozita po dorëzon mandatet, duke kërkuar largimin e kryeministrit Edi Rama, një qeveri tranzitore dhe zgjedhje të parakohshme.

Lulzim Basha shpalli djegien e mandateve një ditë më parë, i pasuar nga Monika Kryemadhi dhe aleatët e tij.

Po kush janë aleatët që kërkojnë largimin e Ramës?

Shumica e tyre kanë qenë bashkëpunëtorë dhe aleatë të Ramës në kohë të ndryshme.

E para LSI dhe Monika Kryemadhi, janë forca politike që sollën Edi Ramën në pushtet në vitin 2013. Ata ishin simboli i bashkimit me Rilindjen. Sot pa LSI-në dhe bandën e hajdutëve të Ilir Metës, Edi Rama do ishte një ?kufomë? politike.

Më tej vjen një tjetër parti, PDIU, e Shpëtim Idrizit, që në zgjedhjet e vitit 2013-të ishte në koalicion me PD-në, iku me vrap tek Edi Rama, për më tepër pati dhe përplasje me LSI-në për rolin e kësaj force në qeveri. Ateherë Ilir Meta bërtiste se Çamët nuk duhet të hynin në qeveri, pasi nuk kishin dhënë kontribute për ardhjen e Rilindjes në pushtet.

Nard Ndoka, është kreu i demokraistianëve në 7 parti, që mban lart flamurin e opozitarizmit. Pasi Berisha e largoi si ministër të dështuar, ai shkoi tek Edi Rama, ka qenë në krye të turmave në 21 janar 2001 së bashku me disa eksponentë të tjerë që sot janë në krah të Lulit.

Vangjel Dule i PBDNJ, hyri në koalicion me Sali Berishën në 2005 dhe e braktisi në vitin 2009 për Edi Ramën. Ishte nga aleatët kryesorë në 2013 me Rilindjen, u zgjodh nën/kryetar Kuvendi. Dha dorëheqjen pasi Rama mori nën sqetull Shpëtim Idrizin.

Agron Duka kreu i PAA-së, ish ministër i Fatos Nanos, sekretar i PS dhe Edi Ramës, u largua nga Rilindja pasi nuk u vendos në pozicion të preferuar në listë për deputet. Mori drejtimin e PAA-së, ku ka mbledhur shumë karrigethyer nga të gjitha krahët politikë. Ky i fundit është më racionali dhe ndryshe nga të gjithë ata më sipër.

Një tjetër parti hije e bashkuar me PD-në që ka qenë në krah të socialistëve është PDR e Genc Pollos, e cila tashmë është shkrirë më PD, por që dikur ?zhgërryhej? me Fatos Nanon dhe në 2017-të mbetjet e kësaj partie ishin kryesorët pro marrveshjes me Ramën dhe bashkëqeverisjen me socialistët.

Të vetmit aleatë natyralë të PD që nuk kanë flirtuar me Ramën, janë Dashamir Shehi dhe Fatmir Mediu, të tjerët kanë qenë aleatë në pushtet, në opozitë ose janë investuar që Rama të zgjidhet kryeministër më shumë sesa njeherë./CNA.al

Djegia e mandateve/ Basha konferencë urgjente për mediat

LSI djeg mandatet/ Bashkohet me Bashën

Opozita djeg mandatet/ Ndërkombëtaret mbërrijnë në zyrën e Ramës

Opozita djeg mandatet/ Flasin aleatët e Bashës

Shënim/ Djegia e mandateve si mashtrim i Bashës për pazar me Ramën