web counter
LEXO PA REKLAMA!

SHKARKO APP

App Store
Google Play

E fundit!

x

Pas përplasjes me Bashën/ Lefter Maliqi me mandat deputeti ?

19 Shkurt 2019, 12:37, Aktualitet CNA

Zv.drejtori i përgjithshëm i Drejtorisë së Burgjeve, Lefter Maliqi është i treti i listës së kandidatëve të PD në Berat, rreshtim ky që solli dhe pakënaqësinë e tij me Lulzim Bashën, i cili vendosi si të dytë Astrit Veliajn.

Por, tashmë që opozita ka marrë vendimin për të djegur mandatet, Maliqit i takon mandati në Berat.

I pyetur nga GSH.al, lidhur me aludimet nëse do ta pranojë mandatin apo jo, Lefter Maliqi ka shprehur se ende është duke ndjekur situatën dhe do të vendosë gjithmonë në të mirë të banorëve të qarkut të Beratit. Duke bërë edhe njëherë një retrospektivë, ish-deputeti tregon edhe njëherë përplasjen me Bashën, që e detyruan të largohet nga PD.

?Lulzim Basha më pengoi të konkuroja për kryetar të degës në Berat dhe drejtor i Departamentit të Rendit duke më hequr emrin nga lista. Kam qenë antar Këshillit Kombëtar të PD, ku dhe z.Basha më premtoi për kryetar bashkie në Berat në 2015 dhe gënjeu, pasi vuri kandidat nga PR. Më pas Basha më orientoi se do isha i pari në listën e Beratit dhe prapë gënjeu duke më vënë të tretin. Pas debatit që kisha me zotin Basha për këto pakënaqësi, kalova në krah të Ramës. Edhe elektorati i djathë ishte i zhgënjyer nga Partia Demokratike. Partisë Socialiste i kam dhënë 5 mijë vota nga PD drejt PS, duke e nxjerrë PD vetëm me një mandat dhe forcë të tretë.?-tha Maliqi.

Sa i përket mandatit të deputetit, Maliqi tha se do të marrë vendimin e duhur në kohën e duhur.

?Do të marr vendimin e duhur në kohën e duhur. Kjo është përgjigja ime para çdo eksponenti politik dhe mediave. Po ndjek situatën dhe çdo vendim e marr vetëm në interes të banorëve. Aktualisht vazhdoj me përkushtim në bazë të ligjit detytën e zëvendës Drejtorit të Burgjeve?, ka përfunduar Lefter Maliqi reagimin e tij për GSH.al.





Lajmet e fundit nga