web counter
LEXO PA REKLAMA!

SHKARKO APP

App Store
Google Play

Dështimi i protestës/ A do të dorëhiqen Basha dhe Kryemadhi?  

16 Shkurt 2019, 16:22, Aktualitet CNA

Sot, Opozita e bashkuar për pesë orë radhazi protestoi para Kryeministrisë.

Protesta u përshkua nga dhuna, molotovi, shishet me benzinë dhe plumba gome.

Ndërsa udhëheqësit e saj, kreu i PD-së Lulzim Basha dhe kryetarja e LSI-së Monika Kryemadhi, nuk kursyen akuzat ndaj policisë, derisa pas pesë orësh vendosën të tërhiqeshin.

Prej disa ditësh që në kohën kur është njoftuar data e protestës,  është folur për rrëzimin e kryeministrit Edi Rama me çdo kusht.

Madje sipas Kryemadhit, nëse nuk do të rrëzohej sot Rama, ajo dhe Basha do të jepnin dorëheqjen.

Në emisionin ?Të Paekspozuarit? në News 24, Kryemadhi e pyetur nëse nuk rrëzohet Edi Rama me protestën e 16 Shkurtit ajo u shpreh: ?O do iki Edi Rama zotëri ose do iki unë me Lul Bashën së nuk ka rrugë tjetër?

Një deklaratë të tillë Kryemadhi e ka bërë edhe me 14 shkurt 2019, në emisionin “Opinion’.

E pyetur nga gazetari Armand Shkullaku se nëse nuk e largojnë Edi Ramën ajo dhe Basha do të shkojnë  në shtëpi, Kryemadhi ka dhënë një përgjigje pohuese.

“Po sigurisht, se ska kuptim. I bie që ai të jetë më i fortë se shumica e shqiptarëve”, ka thënë Kryemadhi.

Tashmë që protesta ka përfunduar Monika Kryemadhi dhe Lulzim Basha, duhej ta kishin dhënë dorëheqjen nga LSI dhe PD.

Por, në fakt ata kanë harruar ato çfarë kanë deklaryuar më herët dhe janë shfaqur në konferenca për media, si triumfatorë, duke mos pranuar dështimin.

Për më tepër ndiqni videon e mëposhtme nga minuta 19.19 -19 .23, kur Monika Kryemadhi deklarohet për largimin e saj dhe të Bashës, nëse nuk rrëzojnë Ramën./CNA.al





Lajmet e fundit nga