web counter
LEXO PA REKLAMA!

SHKARKO APP

App Store
Google Play

Përplasja Rama-Meta/ Manja: Presidenti po bën opozitarin

5 Shkurt 2019, 15:19, Aktualitet CNA

Kryetari i Komisionit të Ligjeve Ulsi Manja ka komentuar përplasjen mes mazhorancës dhe institucionit të presidencës. Sipas tij mos miratimi i dekretit për shkarkimin e Ditmir Bushatit do të sqarohet nga Gjykata Kushtetuese.

?Do ta çojmë në Gjykatën Kushtetuese që të qartësohet neni 98 i Kushtetutës se cili kishte të drejtë Presidenti i Republikës apo kryeministri Edi Rama për rastin e mosmiratimit të dekretit shkarkues të Ditmir Bushatit?,-u shpreh Manja në rubrikën ?45 Minuta? në Report Tv.

Më tej ai komentoi edhe kërkesën e presidentit Ilir Meta për anulimin e projektit të ?Unazës së Madhe?. Manja u shpreh se presidenti e lexon Kushtetutën si opozita.

?Rasti i prononcimit për çështjen e Unazës duket sikur Presidenti është në mbrojtje të interesit publik ndërsa mazhoranca nuk është në krah të qytetarëve. Ne nuk do ti mohojmë kryeqytetit një vepër të tillë. Ministrja u prononcua sot që asnjë prej banorëve të unazës nuk do të ngelë në rrugë të madhe. Nuk e kuptova kërkesën e presidentit që bëri thirrje për anulimin e projektit të ?Unazës së Madhe?. Interesi publik është më i madhsesa banorët që preken , normalisht edhe ato do të respektohen. Kërkesën e presidentit ne e kemi dëgjuar edhe nga opozita të cilët dalin prej ditësh te unaza e re me 10 banorë të cilët janë militant. Unë nuk e kam lexuar me detaje letrën e presidentit por ai i ka të përcaktuara detyrat e tij kushtetuese. Detyra e presidentit është të mbrojë interesin e qytetarëve. Në rastin konkret presidenti e ka lexuar Kushtetutën si opozita?,-tha ndër të tjera Manja./CNA.al





Lajmet e fundit nga