Ish-sigurimsi në KLP/ Sheshi “merr peng” Gent Ibrahimin

5 Shkurt 2019, 15:05, Aktualitet CNA

Kanë kaluar tre dekada nga shpërbërja e Sigurimit të Shtetit, por pjesëtarë të kësaj strukture janë ende në institucione të rëndësishme shtetërore.

Një rast i tillë është konstatuar në Këshillin e Lartë të Prokurorisë. Ishte Partia Demokratike që rreth 10 ditë më parë denoncoi në media se anëtari i KLP ?së Bujar Sheshi, ka qenë pjesë e Sigurimit të Shtetit.

Por ende ndaj Sheshit nuk është marrë asnjë masë. KLP nuk është mbledhur edhe pse Autoriteti i Dosjeve ka konfirmuar zyrtarisht se Sheshi ka qenë bashkëpunëtor i Sigurimit.

Kreu i KLP-së, Gent Ibrahimi është mjaftuar duke thënë se ?Këshilli është në pritje të shterrimit të procedurave ankimore dhe vetëm në shterrim të këture procedurave do të marë një vendim?.

Mirëpo, kjo është deklaratë e Ibrahimit, por jo e anëtarëve të tjerë të Këshillit. Gent Ibrahimi, nuk mund të vendosë, pa marrë dhe miratimin e anëtarëve të tjerë të Këshillit.

KLP nuk mund të vijojë punën me një anëtar mbi të cilin rëndojnë dyshimet si ish-bashkëpunëtor i Sigurimit të Shtetit. Në këto rrethana i bie që KLP të ishte nën kontroll të të ish-Sigurimit të Shtetit.

Pyetja shtrohet kush e ka marrë peng KLP dhe po e kontrollon atë?

Kreu i KLP ?së Gent Ibrahimi, si njëri nga njerëzit që kanë qenë pjesë e reformës në drejtësi, duhet të sqarojë opinionin publik, se përse po e favorizon Sheshin në KLP.

E para sipas Ligjit Nr. 115/2016, Sheshi është në mënyrë të kundërligjshme, anëtar i KLP ?së, sipas informacionit zyrtar të Autoritetit të Dosjeve.

?Të mos kenë qenë anëtarë, bashkëpunëtorë ose të favorizuar të ish-Sigurimit të Shtetit para 2 korrikut 1991 në kuptimin e ligjit ?Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë?, thuhet në neni 105 të Ligjit Nr. 115/2016.

E dyta, nëse Gent Ibrahimi nuk është i interesuar të dështojë KLP-ën, mund të mblidhte, dhe të largonte Sheshin, të paktën deri në përfundim të hetimeve.

Njësoj siç ka ndodhur me rastet e deputetëve ndër vite.

Nuk janë të pakta rastet e deputetëve, të cilëve iu është hequr mandati dhe janë larguar, duke pritur përfundimin e hetimeve. Pavarëisht se disa deputetë, janë dënuar dhe disa të tjerë jo, atyre u është hequr imuniteti me akt administrativ.

KLP nuk mund të vijojë mbledhjet dhe për prokurorët dhe çështjet që iu përkasin atyre të vendosë dhe një anëtar që është nën hetim dhe që akuzohet si ish-bashkëpunëtor i Sigurimit të Shtetit./CNA.al

Ish-sigurimsi në KLP/ Gent Ibrahimi thellon skandalin

Skandal me reformën në drejtësi/ Ish-kunati i i ministres minon KLP