E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dështon Reforma në Drejtësi/ Rama përbuz dhe ONM-në

5 Shkurt 2019, 11:07, Aktualitet CNA

Deputeti i Partisë Demokratike, Enkelejd Alibeaj ka reaguar me tone të forta, pas vendimit të KPK-së pët rikonfirmimin në detyrë të drejtueses së komanduar të Prokurorisë për Krimet e Rënda, Donika Prela.

Në një deklaratë për mediat, deputeti Alibeaj u shpreh se tashmë është konfirmuar se Vettingu është vetëm një vegël politike në duart e Edi Ramës dhe se Reforma në Drejtësi ka dështuar.

Sipas Alibeajt, Komisioni i Pavarur i Kualifikimit, përbuzi edhe vëshguesin ndërkombëtar, vetëm e vetëm për të mbrotjur Edi Ramën.

?Të gjitha ata që menduan se Vettingu do të shërbente për të pastruar nga radhët e drejtësisë prokurorë e gjyqtarë të korruptuar dhe të lidhur me krimin, sot janë të bindur se e Vettingu është vetëm një vegël politike në duart e Edi Ramës. Reforma në Drejtësi ka dështuar.?-tha Alibeaj.

Më tej, deputeti demokrat u shpreh se ?Për të mbroj ramën përbuzet edhe ONM, e cila gjeti se Donika Prela ka shitur prona me çmim katër herë më të lartë se e ka blerë. Me të ardhurat e deklaruara nuk justifikohej as blerja lirë e pronave?.

Gjithashtu Alibeaj tha se KPK, në rastin e Donika Prelës, mbajti në radhët e drejtësisë një shërbëtore të Ramës me pasuri të pajustifikuar, e cila i ka shërbyer krimit.

?Vendimi për Donika Prelën është marrë në konflikt të pastër interesi dhe në shkelje të plotë të ligjit, pasi nga verifikimi i kamerave të sigurisë të prokurorisë së krimeve të rënda, Komisioni i Vetingut do të kishte zbuluar se Donika Prela është takuar rregullisht me anëtaren e trupit të saj gjykues, Valbona Sanxhaktari në periudhën nëntor dhjetor.

Mbajtja e Donika Prelës është rasti tipik kur drejtësia është e kapur nga krimi dhe politika në shërbim të tij. Partia Demokratike ka denoncuar faktin se me firmën e Donika Prelës, si drejtuese e prokurorisë së Durrësit, është liruar nga burgu drejtuesi I bandës së Avdyljave, Astrit Avdyli, në makinë e të cilit u gjet një armë pa leje janarin e vitit që shkoi.

Shërbimi kriminal që Donika Prela ka kryer për bandën që blinte vota për llogari të Edi Ramës në qarkun e Durrësit gjendet në dosjen 339, si pjesë e përgjimeve të bandës së Avdylajve.

Mbajtja e Donika Prelës në sistemin e drejtësisë është konfirmim se reforma në drejtësi ka vdekur dhe se drejtësia e re është një vegël që i shërben pushtetit e jo të vërtetës.

Së bashku, ne duhet t?i japim fund kapjes së drejtësisë që mbron politikanët e korruptuar, me lidhje kriminale. Data 16 shkurt është një mundësi që ne të mos pranojmë më një drejtësi që i shërben atij që ka më shumë para dhe më shumë pushtet!?-tha ndër të tjera deputeti i PD, Enkelejd Alibeaj./CNA.al