web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni në Shqipëri/ OSBE "shuplakë" qeverisë

1 Shkurt 2019, 09:29, Aktualitet CNA

OSBE ka shprehur keqardhje ndaj raportit të fundit të Transparency International, në lidhje më nivelin e korrupsionit në vendin tonë.

Prezenca e OSBE u shpreh se prirja që ishte vendosur nga 2013-ta u përmbys në vitin 2017 dhe u përkeqësua akoma më shumë gjatë 2018.

?Që prirja pozitive që ekzistonte prej vitit 2013 e në vijim u përmbys në 2017-ën dhe u përkeqësua më tej në vitin 2018?.-thuhet në reagim.

Transparency International e ka renditur Shqipërinë në venin e 99-të, duke rënë me 8 vende nga viti i kaluar. Ky raport përfshin  180 vende të botës dhe përdor një shkallë prej zero pikësh deri në 100, ku zero tregon për një vend shumë të korruptuar.

Sipas Trasparency International, vendi ynë ishte përmirësuar gjatë pesë viteve të fundit, por kraharsuar me 2017 ajo ka pësuarsërish rënie.

?Duke qenë vend kandidat për anëtarësim në Bashkimin Evropian, Shqipëria ishte përmirësuar gjatë pesë viteve të fundit me pesë pikë. Por, krahasuar me një vit më parë ajo ka shënuar rënie për dy pikë, nga 38 në 36 në krahasim me vitin e kaluar. Kjo mund të jetë për shkak të një ngërçi politik që bllokoi disa reforma anti-korrupsion të ecin përpara. Me një proces të ri të vetingut dhe kuadrin institucional të kundër korrupsionit pothuajse të plotë, mbetet për t?u parë nëse Shqipëria do të përmirësojë rezultatin e saj në të ardhmen?,-vijohet më tej.

Kryetari i Prezencës së OSBE-së ambasadori Bernd Borchardt, në një deklaratë të posaçme tha se vendet e Evropës Juglindore kanë pësuar regres në luftën  ndaj korrupsionit.

?Fatkeqësisht, shumica e vendeve të Evropës Juglindore kanë pësuar regres në krahasim me një vit më parë. Prirja negative në rastin e Shqipërisë është edhe më shqetësuese, pasi përmbys përmirësimin e dukshëm në perceptimin e korrupsionit mes viteve 2013 dhe 2016?,-u shpreh Borchardt.

Më tej, Ambasadori shton se vendi ynë ka një regres të thellë në krahasim me dy vite më parë.

?Rezultatet e indeksit tregojnë se Shqipëria duhet të vijojë së reformuari sistemin e institucioneve të saj publike, i cili perceptohet si më i korruptuar sesa dy vjet më parë?,- theksoi ai.

Borchardt tha se  reformat e ndërmarra, përfshirë këtu vettingun në sistemin e drejtësisë, duhen realizuar, si dhe të ngrihen institucionet e reja kundër korrupsionit.

?Presim me padurim themelimin e institucioneve të reja kundër korrupsionit dhe vazhdojmë t?i bëjmë thirrje institucioneve publike dhe organeve ligjzbatuese në Shqipëri të vazhdojnë me zbatimin e reformave në drejtësi dhe reformave kundër korrupsionit në përputhje me rekomandimet dhe detyrimet ndërkombëtare të Konventës së Kombeve të Bashkuara kundër Korrupsionit?,-u shpreh ai.

Bernd Borchardt, ndër të tjera shtoi se roli që mund të luajnë qytetarët edhe shoqëria civile në këtë drejtim.

?Qytetarët shqiptarë duhet ta refuzojnë dhe denoncojnë korrupsionin pranë organeve qeveritare. Po ashtu, shoqëria civile duhet ta monitorojë vazhdimisht jetën publike në vend dhe të raportojë rregullisht sa i përket çdo çështjeje lidhur me korrupsionin, duke e mbajtur këtë temë në qendër të vëmendjes së publikut, si dhe duke mbështetur zhvillimin e legjislacionit, institucioneve dhe ekspertizës së fushës?,- tha ambasadori i OSBE-së./CNA.al





Lajmet e fundit nga