web counter
LEXO PA REKLAMA!

SHKARKO APP

App Store
Google Play

Foto-Reshjet e dëborës/ ARRSH informon mbi gjendjen e rrugëve

31 Janar 2019, 08:16, Aktualitet CNA

Nisur nga situata e motit në vend, Autoriteti Rrugor Shqiptar informon drejtuesit e mjeteve për gjendjen e akseve kryesore rrugore në vend.

ARRSH bën të ditur se të gjithë kontraktorët kanë qenë dhe janë në gatishmëri, sepse sipas parashikimit të situatës meteorologjike sot priten reshje në të gjithë vendin.

Sipas ARRSH, në Rajonin Jugor Gjirokastër:

-Në Qarkun e Korçës, rreth orës 4 të mëngjesit kanë filluar reshje bore me intensitet. Trashësia e borës shkon 5-15 cm. Po punohet pa ndërprerje nga kontraktorët e mirëmbajtjes për pastrimin e akseve.

-Në Qarkun Gjirokastër qarkullimi kryhet normalisht në të gjitha akset. Vetëm në pjesën fundore të rrugës Erind-Çajup, rreth 5 km, rekomandohet përdorimi i zinxhirëëve.

-Në Qarkun e Korçës qarkullohet me zinxhirë në:
K/Boboshticë-Dardhë
Voskop-Voskopojë
Qafë Qarri-Ersekë, zona e Qafës së Qarrit

-Në Rajonin Qendror Tiranë:
Ka reshje shiu në të gjithë Rajonin. Në lartësi ka pasur reshje bore, si në Sarisalltik, Qafë Priskë, Gjinar, Steblevë.
-Rekomandohet përdorimi i zinxhirëëve vetëm në pjesën fundore të rrugës Krujë-Sarisalltik.

-Në Rajonin Verior Shkodër:
Gjatë natës ka pasur reshje shiu në të gjithë rajonin dhe në lartësi ka pasur reshje bore. Kontraktorët kanë vazhduar punën për pastrimin e akseve dhe po mbajnë në monitorim të vazhdueshëm segmentet ku ka prezencë ngricash.

-Qarkullohet me zinxhirë, ose pjesërisht me zinxhirë në rrugët:
Qafë Dragalicë-Klenjë-Steblevë, 15-17 km.
Kryqëzim Domaj-Draj Reç
Trebisht-Doganë

Rekomandohen përdoruesit e rrugës, të bëjnë kujdes në lëvizje, sidomos gjatë orëve te para te mëngjesit dhe gjatë natës për shkak të lagështisë në rrugë, të respektojnë sinjalistikën dhe udhëzimet e Policisë Rrugore.





Lajmet e fundit nga