web counter
LEXO PA REKLAMA!

SHKARKO APP

App Store
Google Play

Ndryshimet në qeveri/ Bashkim Fino kundër Ramës?

30 Janar 2019, 11:48, Aktualitet CNA

Deputeti i Partisë Socialiste, Bashkim Fino ka komentuar ndryshimet drastike që kryeministri Rama ka bërë së fundi në kabinetin e tij qeverisës.

Në një intervistë për Mapo, deputeti Fino është shprehur se ndryshimet e bëra nga kryeministri Rama në kabinetin qeveritar, janë në rregull nga ana kushtetuese, edhe pse politikisht ai shprehet se mund të mos jetë dakord.

? Qeverinë e re e lexoj si një qeveri të bërë në rregull nga ana kushtetuese, e cila e përcakton qartë se përbërja e qeverisë është detyrë e Kryeministrit. Nga kjo pikëpamje, nuk kam të drejtë të komentoj anën kushtetuese të ndryshimeve. Por miratimi që i kemi bërë ne është politik dhe për sa i përket pjesës politike, mbase, personalisht mund të mos isha dakord.? ?shprehet Fino në një intervistë për gazetën Mapo, ndërsa thekson se pa grupin parlamentar, qeveria ?Rama2? nuk do të kishte jetë.

Gjithashtu Fino ka komentuar edhe emërimin e Erjon Braces në postin e zv/kryeministrit, për të cilin thotë se është një emërim i vonuar e lidhur me këtë ka edhe një mesazh për kryeministrin Rama.

 ?Unë do ta komentoj me një batutë shumë interesante. Në mbledhjen e fundit të Asamblesë e PS-së, kur Rama prezantoi qeverinë e re, e gjithë Asambleja ishte në heshtje varri. Dhe, kur në fund tha zv.kryeministër do të jetë filani, pati një duartrokitje në sallë. Kjo duartrokitje erdhi instinktivisht, dhe ishte një duartrokitje zemre politike socialiste, të cilën Rama duhet ta lexojë mirë. Rama duhet ta lexojë vërtet mirë atë duartrokitje të Asamblesë Kombëtare të PS-së për zgjedhjen e Erjon Braçes si zv.kryeministër. Një zv.kryeministër i goditur, i vonuar, i ardhur në qeverinë Rama, ku duhej të ishte më përpara? ? thekson Fino.





Lajmet e fundit nga