web counter
LEXO PA REKLAMA!

SHKARKO APP

App Store
Google Play

Rama i delegoi kompetencat Cakajt/ Zbardhen shkeljet ligjore

26 Janar 2019, 13:53, Aktualitet CNA

Kryeministri Edi Rama, pasi u dekretua nga Presidenti Ilir Meta në krye të Ministrisë së Jashtme, njoftoi se nuk do të jetë ai që do ta drejtojë këtë institucion, por Gent Cakaj.

?Është fjala më e shkurtër në jetën time. Unë në funksionin tim si ministër i Jashtëm i delegoj zotit Gent Cakaj drejtimin e kësaj ministrie dhe përfaqësimin në institucionet ndërkombëtare?, ka thënë Rama, duke ia deleguar kompetencat Cakajt.

Delegimi i kompetencave u pasua me tjetër veprim nga Kryeministri.

Me anë të nje letre, Rama ka informuar selitë diplomatike në vendin tonë për drejtimin e MEPJ nga Gent Cakaj.

?Prej datës 23 janar, Kryeministri dhe Ministri për Evropën dhe Punët e Jashtme Edi Rama, i delegon zyrtarisht zoti Gent Cakaj kompetencat e plota të Ministrit, për dhjetimin e Ministrisë për Evropën dhe Punët e Jashtme dhe për përfaqësimin e Ministrit për Evropën dhe Punët e Jashtme brenda dhe jashtë Republikës së Shqipërisë?, thuhej në letër.

Ndërsa Gent Cakaj, është trumbetuar në selitë diplomatike si Ministër Jashtëm, Kodi i Procedurës Administrative është injoruar.

Për shkak se delegimi i kompetencave është akt administrativ, por që në këtë rast është shkelur.

Në Kodin e Procedurës Administrative, saktësohet qartë çështja e delegimit të kompetencave.

Por, kryeministri Edi Rama dhe juristët rreth tij, me qëllim apo nga mungesa profesionalizmit e kanë shkelur këtë Kod.

Sipas nenit 29 të Kodit të Procedurës Administrative, delegimi i kompetencave, duhej të ishte botuar në Fletoren Zyrtare.

CNA.al vëshgoi dhe verifikoi Fletoren zyrtare të Qeverisë dhe delegimi i kompetencave nga Rama tek Cakaj, nuk është i shkruar./CNA.al





Lajmet e fundit nga