web counter
LEXO PA REKLAMA!

SHKARKO APP

App Store
Google Play

Ndryshimet në KEMP/ Invalidët kalojnë në sitë

24 Janar 2019, 19:08, Aktualitet CNA

Zv/ministrja e Mirëqënies Sociale, Bardhylka Kospiri, ka folur për ndryshimet që do të bëhen nga ministria e Mirëqenies Sociale dhe Shëndetësisë lidhur me vlerësimin e përgjithshëm të situatës shëndetësore dhe sociale të personave me aftësi të kufizuar. Deklarimin ajo e ka bërë nga ekrani i IN Tv, ku ka qenë e ftuar në emisionin ?KafeIN?.

Ndër të tjera Zëvendësministrja theksoi se projekti pilot ka nisur në dy zona të Tiranës dhe brenda vitit do të shtrihet në të gjithë kryeqytetin.

Reforma e mënyrës së vlerësimit të personave me aftësi të kufizuar ka të bëjë me vlerësimin e kësaj kategorie jo vetëm si pacient, por dhe nga ana e statusit social.

Sipas zv/ministres Kospiri kjo reformë do të zhdukë njëherë e mirë emrin e keq të Komisioneve të vlerësimit apo KEMP-et, aq të përfolura për korrupsion në dhënien e statusit të personit me aftësi të kufizuar.

?Janë disa njësi që janë ngritur pranë Shërbimit Social Shtetëror ku pacienti me aftësi të kufizuar nuk shihet vetëm si pacient por do të vlerësohet dhe për statusin social. Dikur të gjithë personat me aftësi të kufizuar vlerësoheshin për problemet shëndetësore njësoj, duke përfituar të njëjtën pagesë, por reforma synon që për secilin rast të analizohen pasojat e paaftësisë në familje, statusi social, financiar, traumat e shkaktuara prej paaftësisë etj?, u shpreh zonja Kospiri./CNA.al





Lajmet e fundit nga