Mbledhja e universitarëve/ Artan Fuga: Po kapim standardet e Mesjetës

24 Janar 2019, 19:23, Aktualitet CNA

Akademiku i Shkencave dhe pedagogu i Gazetarisë dhe Komunikimit, Artan Fuga ka thënë se edhe pak na duhet që të arrijmë standardet e Mesjetës.

Në një postim në rrjetet sociale, Fuga shkruan se për herë të parë anëtarë të asambleve të universitetit të Tiranës dhe të universitetev të tjera mblidhen për të diskutuar për krizën në arsim.

?Të kapim standardet e Mesjetës!

Eshtë për herë të parë që nesër më 25 janar antarë të asambleve të universitetit të Tiranës, por edhe të tjerë kolegë të nderuar, nga asamble të universiteteve të tjera, takohen lirshëm dhe me iniciativën e tyre për të biseduar rreth krizës universitare dhe rrugëdaljeve nga ajo.

Sa mirë është menduar që mjafton të jesh pedagog universiteti, i një nga universitetet e vendit, publik a privat, dhe je i mirëpritur.

Nesër në ora 10, në Sallën qendrore të ndërtesës Iliria, pra ndodh një event pa precedent!

Universitarët për universitetin!

Intelektualët për liritë dhe të drejtat akademike!

Pedagogët për fatin e studentëve, të arsimit të lartë, të dijes dhe mëncurisë kombëtare, për lirinë e kërkimit shkencor, për cilësinë e arsimit dhe diplomave, për dinjitetin dhe statusin social dhe profesional të tyre!?-shprehet profesori.

Më tej, ai thekson se kjo është demokracia, kur vjen nga poshtë dhe ka dialog në kushte të barabarta.

?Kjo është demokracia, kur vjen nga poshtë!

Kjo është demokracia, kur është e decentralizuar!

Kjo është demokracia, kur ka kuvende dhe dialog horizontal!

As monolog,

as dialog,

por kulog!

Kulogu i parë i universitarëve në Shqipëri pas 60 vjet jetë universitare!

Kjo është demokracia, kur pranohet tjetri për dialog, ashtu i ndryshëm.

Kjo është demokracia, kur flasim dhe dëgjojmë njeri tjetrin!

Një takim i lirë, por krejtësisht i mbështetur në ligj që u jep të drejta pedagogëve të mblidhen në asambletë e tyre!?-vijon akademiku.

Në shkrimin e tij profesori i Gazetarisë dhe Komunikimit shton se edhe pak jemi duke kapur standardet e Mesjetës.

?Komuniteti ynë artikulon fjalën e lirë, qysh në Mesjetë rendet, korporatat, esnafet kishin të drejtën të mblidheshin dhe të vendosnin për fatet e tyre.

Të paktën këtë e kemi fituar. Nuk jemi më para Mesjete që dikush të habitet, çuditet, mos marrë pjesë, a të ketë frikë të ballafaqohet atje!

Kush nga universitarët ka frikë e drojë të ballafaqohet atje me kolegët në një shkëmbim të lirë idesh e propozimesh, duhet t’a shohi mirë veten !

Gjithësesi!?-deklaron profesori Artan Fuga./CNA.al