E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

"Furtunë" në polici/ Zbulohen lëvizjet e reja të Lleshajt

22 Janar 2019, 09:19, Aktualitet CNA

Ministri i Brendshëm, Sandër Lleshaj ka ndërmarrë një fushatë ndryshimesh në kupolën e lartë të Policisë së Shtetit.

Ndryshimet pritet të prekin Drejtoritë e qarqeve, por edhe Drejtorinë e Përgjithshme të Policisë. Kjo furtunë ndryshimesh vjen pas raportit vjetor të drejtorive të Policive me rezultate jopozitive në luftën kundër krimit. Raporti, i cili konfirmon se nuk ka rritje të paramentrave të rendit dhe sigurisë , ndodhet në tavolinën e Lleshajt.

Kështu, mësohet se në Durrës, Lleshaj ka planifikuar për drejtor qarku Ilia Nasin, ndërsa në Tiranë mësohet se ka planifikuar të emërojë Edmond Rizaj. Të dy këta emra janë të njohur në Policinë e Shtetit, dhe mbajnë mbi supe një karrierë të gjatë mes rradhëve të policisë dhe hetimit të krimeve në vend.

CNA.al ka mësuar nga burime zyrtare brenda Ministrisë së Brendshme, se lëvizjet nuk do të jenë të shpejta, pasi në takimin e fundit midis ministrit Sandër Lleshaj dhe drejtorit të përgjithshëm të Policisë së Shtetit, Ardi Veliu, dhe pas takimit me shefat e departamenteve në Drejtorinë e Policisë, është vendosur që ndryshimet të bëhen të plota pas përfundimit të analizave vjetore në qarqe dhe analizës në Drejtorinë e Përgjithshme të Policisë së Shtetit.

Kujtojmë këtu se vetëm disa ditë më parë, ministri Lleshaj bëri një lëvizje surprizë duke emëruar në krye të Drejtorisë së Krimeve të Rënda dhe Krimit të Organizuar, Tonin Vocaj dhe larguar të besuarin e Fatmir Xhafaj, Eduard Merkaj. Ndërsa ditën e djeshme, Lleshaj ka firmosur emërimin e drejtuesit të ri të Shërbimit për Çështjet e Brendshme dhe Ankesat (SHÇBA). Në vendin e Anila Trimit që u emërua nga Fatmir Xhafaj kur ishte në postin e ministrit, do të jetë Muhamet Rrumbullaku, një drejtues me eksperiencë të gjatë në Policinë e Shtetit, që rikthehet në post drejtuesi./ CNA.al

“Furtunë? në Policinë e Shtetit/ ?Priten kokat? e drejtuesve

Ndryshime në kupolën e Policisë së Shtetit/ Emërimet e reja

Ekskluzive?Emërimi suprizë/ Muhamet Rrumbullaku në krye të SHÇBA-së

CNA.al e paralajmëroi/ Muhamet Rrumbullaku emërohet në krye të SHÇBA-së