web counter
LEXO PA REKLAMA!

SHKARKO APP

App Store
Google Play

E fundit!

x

Artistja shqiptare që frymëzoi Ariana Grande-n të krijonte hitin e fundit, “7 Rings”

19 Janar 2019, 09:40, Lifestyle CNA

Disa orë më parë kënga ?7 Rings? debutoi, dhe që në momentet e para është kthyer në një super hit, ku vetëm në Youtube numëon gati 12 milionë klikime. Shkak për këtë është bërë dhe videoklipi apo performanca e Ariana Grande-s në të, e cila që pas publikimit të ?Thank u, next? duket se është rikthyer më e suksesshme se kurrë.

Në videoklipin e kësaj kënge si protagonsite, nuk shfaqet vetëm Ariana por dhe shoqet e saj, më saktësisht 5 nga 6 shoqet e saj të afërta, të cilat formojnë atë që ajo e quan ?gang?, pra grupin. Pjesë e këtij grupi janë: Tayla Parx, Courtney Chipolone, Alexa Luria, Victoria Monet, Kaydence dhe artisja me origjinë shqiptare Njomza. E ndërkohë që vajzat e tjera kanë qenë pjesëmarrëse dhe në videoklipin e ?Thank u, next?, Njomza mesa duket kontributin më të madh e ka dhënë për ?7 Rings?, pasi sipas vetë Arianës, ajo e frymëzoi që ta krijonte këngën.

Projekti muzikor, i cili që tani është kthyer në një hit të rradhës për femrat e pavarura, është i bazuar në një histori të vërtetë që i ka ndodhur Arianës dhe grupit të saj. Me pak fjalë, një ditë gjatë qëndrimit të tyre në New York, mikeshat e çuan artisten tek Tiffany?s (një dyqan shumë i njohur bizhuterish), dhe le të themi që atje vajzat e tepruan me shampanjën. Kështu Ariana vendosi të blinte për secilën nga to nga një unazë fejese, në shenjë falenderimi që i kishin qëndruar afër. Kur u kthyen në studion e regjistrimit ishte Njomza e cila sugjeroi që të gjithë atë që kishte ndodhur ta kthenin në një këngë. Nisën ta shkruanin së bashku e të mendonin videoklipin dhe pjesa tjetër është histori.

Ndërkohë për ju që nuk e njihni Njomzën, ajo është 24 vjeç, ka lindur në Gjermani nga prindër shqiptarë. Është rritur në Chigago, Illinois, megjithatë e flet shumë rrjedhshëm gjuhën shqipe. Është këngëtare, tekstshkruese dhe Youtubers-e e njohur ku poston kryesisht video të covera-ve të saj. Karrierën e ka nisur që në moshën 14 vjeçare me një grup muzikor ndërkohë që në moshën 16 vjeçare filloi të krijonte këngët e veta. Në 2015 nxorri këngën e parë ?Creatures of the Night?, të prodhuar nga ish i dashuri i ndjerë i Ariana Gandes, Mac Miller. Këtu ajo u njoh dhe me yllin e popit, e që atëherë kanë qenë mikesha shumë të afërta





Lajmet e fundit nga